തൃശൂർ: കണ്ണനെ കാണാൻ കടലുകടന്നെത്തിയ ഭക്തർക്ക് ജന്മസാഫല്യം. വിദേഷരാജ്യങ്ങളിൽ നിന്നെത്തിയ 27 പേർക്ക് ഗുരുവായൂരിൽ തുലാഭാരം നടത്തി. ഫ്രാൻസ്, ബ്രസീൽ,ഓസ്ട്രേലിയ,ജർമ്മനി തുടങ്ങിയ രാജ്യങ്ങളിൽ നിന്നെത്തിയ 27 ഭക്തർക്കാണ് തുലാഭാരം നടത്തിയത്.
ബ്രസീലിലെ സീതാജിയുടെ നേതൃത്വത്തിൽ എത്തിയ സംഘമാണ് തുലാഭആര സമർപ്പണം നടത്തിയത്. സനാതന ധർമ്മത്തെ പിന്തുടരുന്ന ഇവർ സായ് സഞ്ജീവനി ട്രസ്റ്റിന്റെ അതിഥികളായാണ് എത്തിയത്. സാധനാ മാർഗം പിന്തുടരുന്ന ഇവർ ശരീര ബോധ(ഈഗോ) സമർപ്പണം എന്ന സങ്കൽപ്പത്തിൽ തീർത്ഥജലമാണ് തുലാഭാരത്തിനായി തിരഞ്ഞെടുത്തത്. പ്രളയവും കോവിഡും ഒക്കെ കാരണം കഴിഞ്ഞ കുറേ വർഷങ്ങളായി ആഗ്രഹിച്ചിരുന്നുവെങ്കിലും ഇവർക്ക് കേരളത്തിൽ എത്താൻ സാധിച്ചിരുന്നില്ല.
തുലാഭാരത്തിന് ശേഷം ഗുരുവായൂർ സായിമന്ദിരത്തിൽ നടന്ന മഹാഭിഷേകത്തിലും അമാവാസ്യ ഹവനത്തിലും അവർ പങ്കെടുത്തു. ഇന്ന് തിരുവണ്ണാമലയിലേക്ക് യാത്ര തിരിക്കും.
Discussion about this post