നടൻ ബാലയുടെ ഭാര്യ എലിസബത്ത് സമൂഹമാദ്ധ്യമങ്ങളിൽ പങ്കുവെച്ച ഒരു കുറിപ്പിലെ വാക്കുകളാണ് ഇപ്പോൾ ചർച്ചയാകുന്നത്. സാധ്യമായതെല്ലാം ചെയ്തുകൊടുത്തിട്ടും ഒടുവിൽ വട്ടപ്പൂജ്യം മാത്രമായി മാറിയെന്നാണ് എലിസബത്ത് തന്റെ കുറിപ്പിൽ പറയുന്നത്. എലിസബത്ത് ഇപ്പോൾ തന്റെ കൂടെയില്ല എന്ന് നേരത്തെ ഒരു സ്വകാര്യ ചാനലിന് നൽകിയ അഭിമുഖത്തിൽ ബാല വ്യക്തമാക്കിയിരുന്നു.
‘നമ്മുടെ ജീവിതത്തിൽ നമ്മൾ സാധ്യമായതെല്ലാം ചെയ്തുകൊടുത്തിട്ടുള്ള ഒരാൾ ഉണ്ടാകും. എന്നിട്ടും അവർ നമ്മെ, വെറും വട്ടപ്പൂജ്യം ആണെന്ന് തോന്നിപ്പിക്കും’ എന്നാണ് എലിസബത്ത് ഫേസ്ബുക്കിൽ പങ്കുവെച്ച കുറിപ്പിൽ വ്യക്തമാക്കുന്നത്. എന്താണ് ബാലയ്ക്കും എലിസബത്തിനുമിടയിൽ സംഭവിച്ചത് എന്നാണ് ഇരുവരുടെയും ആരാധകർ അന്വേഷിക്കുന്നത്.
2021 സെപ്റ്റംബറിലായിരുന്നു ബാലയും എലിസബത്തും വിവാഹിതരായത്. പിന്നീട് പലപ്പോഴും ഇവർ തമ്മിൽ ചില ആസ്വാരസ്യങ്ങൾ ഉണ്ടായിരുന്നു. എന്നാൽ ബാല ഗുരുതര കരൾ രോഗവുമായി ആശുപത്രിയിൽ ചികിത്സയിൽ കഴിഞ്ഞിരുന്ന സമയത്തെല്ലാം എലിസബത്ത് ആയിരുന്നു ബാലയോടൊപ്പം നിന്ന് പരിചരിച്ചിരുന്നത്. എന്നാൽ പിന്നീട് ഇവർക്കിടയിൽ എന്താണ് പ്രശ്നം ഉണ്ടായത് എന്നാണ് ആരാധകർ അന്വേഷിക്കുന്നത്. എല്ലാം സഹിക്കാൻ എലിസബത്തിന് ദൈവം ശക്തി നൽകട്ടെ എന്നാണ് ഫേസ്ബുക്ക് കുറിപ്പിന് താഴെ ആരാധകർ അഭിപ്രായം രേഖപ്പെടുത്തുന്നത്.
