ലക്നൗ:ലോകത്തിലെ ഏറ്റവും വിലപിടിപ്പുള്ള രാമായണങ്ങളിലൊന്ന് അയോദ്ധ്യയിലെത്തി. പുസ്തക വ്യാപാരിയായ മനോജ് സതിയാണ് 1.65 ലക്ഷം രൂപ വിലമതിയ്ക്കുന്ന രാമായണം രാമക്ഷേത്രത്തിന് നല്കിയത്. മൂന്ന് നിലകളുള്ള രാമക്ഷേത്രം പോലെ മൂന്ന് നിലകളോടുകൂടിയ പെട്ടിയ്ക്കകത്താണ് രാമായണം സൂക്ഷിച്ചിരിക്കുന്നത്.
നിരവധി സവിശേഷതകളോട് കൂടിയാണ് രാമായണത്തിന്റെ നിര്മ്മാണം. അമേരിക്കന് വാല്നട്ടിന്റെ തടികൊണ്ടാണ് രാമായണം സൂക്ഷിക്കുന്നതിനായുള്ള പെട്ടി നിര്മ്മിച്ചിരിക്കുന്നത്. രാമയാണം എഴുതാന് ഉപയോഗിച്ചിരിക്കുന്ന മഷി ജപ്പാനില് നിന്നുമാണ് എത്തിച്ചിരിക്കുന്നത്. ഫ്രാന്സില് നിര്മ്മിച്ച ആസിഡ് ഉപയോഗിക്കാത്ത പേറ്റന്റ് പേപ്പറിലാണ് രാമായണം എഴുതിയിരിക്കുന്നത്.
400 വര്ഷം വരെ നശിക്കാതിരിക്കുമെന്നതാണ് രാമായണത്തിന്റെ പ്രധാന സവിശേഷത. നാല് തലമുറകള്ക്ക് ഇത് വായിക്കാന് കഴിയും. കൂടാതെ ഓരോ പേജും വ്യത്യസ്ത തരത്തിലാണ് രൂപകല്പ്പന ചെയ്തിരിക്കുന്നത്.
മറ്റെന്നാളാണ് രാംലല്ലയുടെ പ്രാണപ്രതിഷ്ഠ. ഉച്ചയ്ക്ക് 12 മണിയ്ക്ക് ശേഷമാണ് രാമക്ഷേത്രത്തിന്റെ പ്രാണപ്രതിഷ്ഠ നടകുന്നത്. ഐതിഹ്യം അനുസരിച്ച് ഭഗവാന് ശ്രീരാമന് ജനിച്ചത് ഉച്ചയ്ക്ക് 12 മണിയ്ക്ക് ശേഷമാണെന്നാണ് വിശ്വാസം. ഇതേ തുടര്ന്നാണ് രാമക്ഷേത്രത്തിന്റെ പ്രാണപ്രതിഷ്ഠ 12 മണിയ്ക്ക് ശേഷം നിശ്ചയിച്ചിരിക്കുന്നത്. ഇതുമായി ബന്ധപ്പെട്ട ചടങ്ങുകള്ക്കുള്ള ഒരുക്കങ്ങള് അവസാന ഘട്ടത്തില് എത്തിയിരിക്കുകയാണ്.
Discussion about this post