ചെന്നൈ: കാലടറി വീഴാന് പോയ താമിഴ്നാട് മുഖ്യമന്ത്രി എംകെ സ്റ്റാലിനെ താങ്ങി നിര്ത്തുന്ന പ്രധാനമന്ത്രി നരേന്ദ്ര മോദിയുടെ വീഡിയോ വൈറല്. ചെന്നൈയില് നടന്ന ആറാമത് ഖേലോ ഇന്ത്യ യൂത്ത് ഗെയിംസിന്റെ ഉദ്ഘാടന വേദിയിലേക്ക് നടക്കുന്നതിനിടെയാണ് സംഭവം.
സ്റ്റാലിന്റെ കൈ പിടിച്ച് നടക്കുന്ന പ്രധാനമന്ത്രി അദ്ദേഹത്തിന്റെ കാലിടറിയപ്പോള് താങ്ങി നിര്ത്തുകയായിരുന്നു. ഈ വീഡിയോ ആണ് ഇപ്പോള് സമൂഹ മാദ്ധ്യമങ്ങളില് പ്രചരിച്ചിരിക്കുന്നത്. സ്റ്റാലിനും പ്രധാനമന്ത്രിയും െൈകപിടിച്ച് സംസാരിക്കുന്നതാണ് വീഡിയോയില് കാണുന്നത്. നടക്കുന്നതിനിടെ കാലിടറിയപ്പോള് പ്രധാനമന്ത്രി അദ്ദേഹത്തിന്റെ ഇടതു കയ്യില് താങ്ങി നിര്ത്തുകയായിരുന്നു.
ത്രിദിന സന്ദര്ശനത്തിനായി ആണ് പ്രധാനമന്ത്രി നരേന്ദ്ര മോദി തമിഴ്നാട്ടിലെത്തിയത്. രാവിലെ തിരുച്ചിറപ്പിള്ളിയിലെത്തിയ അദ്ദേഹം ശ്രീരംഗനാഥ ക്ഷേത്രത്തില് ദര്ശനം നടത്തിയിരുന്നു. ക്ഷേത്രദര്ശനത്തിന് ശേഷം അദ്ദേഹം കമ്പരാമായണ പാരായണത്തിലും ആനയൂട്ടിലും പങ്കെടുത്തു. ഇന്നും നാളെയുമായി വിവിധ ക്ഷേത്രങ്ങളിലാണ് അദ്ദേഹം ദര്ശനം നടത്തുക.
