ബെയ്ജിംഗ്: ചൈനയിൽ അതിശക്തമായ ഭൂചലനം. റിക്ടർ സ്കെയിലിൽ 7.1 തീവ്രത രേഖപ്പെടുത്തിയ ഭൂചലനം ആണ് ഉണ്ടായത്. ഭൂചനത്തെ തുടർന്ന് ഡൽഹിയിലും പ്രകമ്പനം അനുഭവപ്പെട്ടു.
കിർഗിസ്ഥാൻ- ഷിൻജിയാംഗ് അതിർത്തിയിൽ ആയിരുന്നു സംഭവം. അർദ്ധരാത്രി രണ്ട് മണിയോടെയായിരുന്നു ഭൂചലനം അനുഭവപ്പെട്ടത്. അസ്കു നഗരത്തിൽ നിന്നും 140 കിലോമീറ്റർ മാറി ഷിൻജിയാംഗ് മേഖലയിൽ 27 കിലോമീറ്റർ ആഴത്തിലാണ് ഭൂചലനത്തിന്റെ പ്രഭവ കേന്ദ്രം എന്ന് ജർമ്മൻ റിസർച്ച് സെന്റർ ഫോർ ജിയോസയൻസസ് അറിയിച്ചു.
ഭൂചലനത്തിൽ പ്രദേശത്ത് നാശനഷ്ടം ഉണ്ടായിട്ടുണ്ടെന്നാണ് പ്രാഥമിക വിവരം. എന്നാൽ ഇതുമായി ബന്ധപ്പെട്ട വിശദാംശങ്ങൾ പുറന്നുവന്നിട്ടില്ല. ആളപായം സംബന്ധിച്ച വിവരങ്ങളും പുറത്തുവന്നിട്ടില്ല. ഉയിഗുർ മുസ്ലീങ്ങൾ കൂടുതൽ ആയി തിങ്ങിപ്പാർക്കുന്ന മേഖലയാണ് കിർഗിസ്ഥാൻ- ഷിൻജിയാംഗ് അതിർത്തി.
ഡൽഹി എൻസിആറിലാണ് ചൈനയിലെ ഭൂചലനത്തെ തുടർന്ന് പ്രകമ്പനം അനുഭവപ്പെട്ടത്. സെക്കന്റുകളോളം പ്രകമ്പനം നീണ്ടുനിന്നുവെന്നാണ് വിവരം. ജനുവരി 11 ന് അഫ്ഗാനിലുണ്ടായ ഭൂചലനത്തിന്റെ പ്രകമ്പനവും ഡൽഹിയിൽ അനുഭവപ്പെട്ടിരുന്നു.
Discussion about this post