ടോക്കിയോ:1650 വര്ഷത്തെ ചരിത്രം തിരുത്തി കുറിച്ച് ആദ്യമായി ‘നഗ്നപുരുഷന്’ ഉത്സവത്തില് പങ്കെടുക്കാന് സ്ത്രീകള്ക്കും അവസരം. ജപ്പാനിലെ ഇനാസാവ പട്ടണത്തിലുള്ള കൊനോമിയ ദേവാലയം സംഘടിപ്പിക്കുന്ന ഒരു പരമ്പരാഗത പരിപാടിയാണ് നഗ്നപുരുഷന് ഉത്സവം. ഹഡക മത്സുരി എന്നും ഈ ഉത്സവം അറിയപ്പെടുന്നു. .
ഫെബ്രുവരി 22 നാണ് നഗ്ന പുരുഷന് ഉത്സവം സംഘടിപ്പിച്ചിരിക്കുന്നത്. ഏകദേശം 10,000 പുരുഷന്മാര് ഈ പരിപാടിയില് പങ്കെടുക്കുമെന്നാണ് റിപ്പോര്ട്ട്. ഈ വര്ഷം 40 സ്ത്രീകള്ക്കാണ് ഇതില് പങ്കെടുക്കാന് അവസരം. പൂര്ണ്ണമായും വസ്ത്രം ധരിച്ച് വേണം സ്ത്രീകള് ഉത്സവത്തില് പങ്കെടുക്കേണ്ടത് എന്ന നിബന്ധനകള് കൂടി സംഘാടക സമിതി പറഞ്ഞു.
എന്താണ് നഗ്നപുരുഷന്’ ഉത്സവം
നല്ല വിളവ് ലഭിക്കാനും സമ്പല് സമൃദ്ധിക്കും വേണ്ടിയാണ് ഇത് ആഘോഷിക്കുന്നത്. പേര് പോലെ നഗ്നമായല്ല ഈ ഉത്സവം ആഘോഷിക്കുന്നത്. ഇതില് പങ്കടുക്കുന്ന പുരുഷന്മാര് അടിവസ്ത്രങ്ങള്ക്ക് സമാനമായ വസ്ത്രങ്ങളാണ് ധരിക്കുക. ഇതിന്റ കൂടെ വെളുത്ത സോക്സും ധരിക്കുന്നു. ഉത്സവത്തിന്റെ അനുഷ്ഠാനങ്ങളുടെ ഭാഗമായി, പുരുഷന്മാര് ആദ്യമണിക്കൂറുകളില് ക്ഷേത്രപരിസരത്ത് ഓടുകയും തണുത്ത വെള്ളം ഉപയോഗിച്ച് സ്വയം ശുദ്ധീകരിക്കുകയും ചെയ്യുന്നു.തുടര്ന്ന് പ്രധാന ക്ഷേത്രത്തിലേക്ക് പോവുന്നു. ചടങ്ങിന്റെ ഭാഗമായി ക്ഷേത്രത്തിലെ പൂജാരി ചുള്ളിക്കമ്പുകളുടെ കെട്ടുകള് പുരുഷന് മാരുടെ ഇടയിലേക്ക് വലിച്ചെറിയും . അത് ആരുടെ കയ്യിലാണോ കിട്ടുന്നത് അവര്ക്ക് ഭാഗ്യം ലഭിക്കും എന്നാണ് വിശ്വാസം.അതുകൊണ്ട് ചുള്ളിക്കമ്പുകള് കിട്ടാന് കടുത്ത മത്സരമാണ് . അതിനിടയില് നിരവധി പേര്ക്ക് പരിക്കേല്ക്കുകയും ചെയ്യും.
കോവിഡ് കാരണം കഴിഞ്ഞ മൂന്ന് വര്ഷമായി ഞങ്ങള്ക്ക് പഴയതുപോലെ ഉത്സവം നടത്താന് കഴിഞ്ഞില്ല.അക്കാലത്ത് ഉത്സത്തില് സ്ത്രീകള്ക്കും പങ്കെടുക്കണമെന്ന നിരവധി അഭ്യര്ത്ഥനകള് ലഭിച്ചിരുന്നുവെന്ന് സംഘാടക സമിതിയിലെ ഉദ്യോഗസ്ഥന് പറഞ്ഞു. മുന്കാലങ്ങളില് സ്ത്രീകള്ക്ക് പങ്കെടുക്കാന് വിലക്കൊന്നും ഉണ്ടായിരുന്നില്ല. എന്നാല് സ്ത്രീകള് സ്വമേധയാ ഉത്സവത്തില് നിന്ന് വിട്ടുനില്ക്കുകയാണ് ഉണ്ടായത് എന്നും അദ്ദേഹം വ്യക്തമാക്കി.
Discussion about this post