ടെഹ്റാൻ : ഇസ്രായേലിനും അമേരിക്കയ്ക്കും എതിരായ പോരാട്ടത്തിൽ ഹിസ്ബുള്ളയ്ക്ക് ഇറാൻ്റെ പൂർണ്ണ പിന്തുണ വാഗ്ദാനം ചെയ്ത് പുതിയ പരമോന്നത നേതാവ് അയത്തൊള്ള സയ്യിദ് മുജ്തബ ഖമേനി. ഹിസ്ബുള്ള തലവൻ ഷെയ്ഖ് നയീം ഖാസമിന് അയച്ച സന്ദേശത്തിലൂടെയാണ് മുജ്തബ ഖമേനി ഇറാൻ്റെ നയം വ്യക്തമാക്കിയത്. സയണിസ്റ്റ് ശത്രുക്കൾക്കും അമേരിക്കൻ അധിനിവേശത്തിനും എതിരെ വിട്ടുവീഴ്ചയില്ലാത്ത നിലപാട് തുടരുമെന്നാണ് അദ്ദേഹം പ്രഖ്യാപിച്ചിരിക്കുന്നത്.
ഹിസ്ബുള്ളയുടെ പോരാട്ടങ്ങളെ ഇറാൻ്റെ ഇസ്ലാമിക് റിപ്പബ്ലിക് എന്നും പിന്തുണയ്ക്കുമെന്ന് സന്ദേശത്തിൽ പറയുന്നു. നയീം ഖാസമിന്റെ ബുദ്ധിശക്തിയിലും ധീരതയിലും പൂർണ്ണ വിശ്വാസമുണ്ടെന്നും, ഇസ്രായേലിന്റെ തന്ത്രങ്ങളെ തകർക്കാൻ അദ്ദേഹത്തിന് സാധിക്കുമെന്നും ഖമേനി പറഞ്ഞു. ഹസ്സൻ നസ്റല്ല, ഖാസിം സുലൈമാനി തുടങ്ങിയ നേതാക്കളുടെ ത്യാഗങ്ങൾ പോരാട്ടത്തിന് കരുത്തേകുമെന്നും അദ്ദേഹം സൂചിപ്പിച്ചു.
