ന്യൂഡൽഹി: ഒരാഴ്ചത്തെ സന്ദർശനത്തിനായി ഫിജി ഉപപ്രധാനമന്ത്രി ബിമൻ പ്രസാദ് ഇന്ന് ഇന്ത്യയിലെത്തും. ഫിജി ധനകാര്യ-ദേീയവികസനമന്ത്രിയാണ് ബിമൻ പ്രസാദ്. ഇന്ത്യൻ സന്ദർശനത്തിനൊപ്പം അദ്ദേഹം അയോദ്ധ്യയിലും ദർശനം നടത്തും. പ്രാണപ്രതിഷ്ഠയ്ക്ക് ശേഷം രാംലല്ലയെ സന്ദർശിക്കാനെത്തുന്ന ആദ്യത്തെ വിദേശനേതാവാണ് ബിമൻ പ്രസാദ്.
ഇന്ന് രാത്രിയോടെ ഡൽഹിയിലെത്തുന്ന ബിമൻ പ്രസാദ് ഫെബ്രുവരി 10 നാണ് തിരികെ ഫിജിയിലേക്ക് തിരിക്കുക.ഫെബ്രുവരി അഞ്ചിന് അദ്ദേഹം വിദേശകാര്യ മന്ത്രി എസ് ജയശങ്കറുമായുള്ള കൂടിക്കാഴ്ചയ്ക്കൊപ്പം വിദേശകാര്യ, വിദ്യാഭ്യാസ സഹമന്ത്രി (എംഒഎസ്) രാജ്കുമാർ രഞ്ജൻ സിങ്ങുമായി ചർച്ച നടത്തും.
ഫെബ്രുവരി 6 ന് ദേശീയ തലസ്ഥാനത്ത് ഒരു പരിപാടിയിൽ പങ്കെടുക്കുന്ന പ്രസാദ് മറ്റൊരു പരിപാടിക്കായി ഫെബ്രുവരി 7 ന് ഗോവയിലേക്ക് പോകും.ഫെബ്രുവരി എട്ടിന് അദ്ദേഹം അയോധ്യ സന്ദർശിക്കുമെന്ന് വിദേശകാര്യ മന്ത്രാലയം അറിയിച്ചു . ഫെബ്രുവരി ഒമ്പതിന് പ്രസാദ് അഹമ്മദാബാദിലേക്കും തുടർന്ന് ഗാന്ധിനഗർ സന്ദർശനത്തിനും പുറപ്പെടും.
Discussion about this post