തൃശ്ശൂര്:തൃശൂര് ജില്ലാ പഞ്ചായത്തിന്റെ സമഗ്ര വിദ്യാഭ്യാസ പരിപാടിയായ അനന്യ സമേതം ഏകദിന ശില്പശാലക്ക് തുടക്കം കുറിച്ചു. കുട്ടികളില് ശരിയായ ജെന്ഡര് അവബോധമുണ്ടാക്കിയെടുക്കുക എന്ന ലക്ഷ്യത്തോടെയാണ് ശില്പശാല സംഘടിപ്പിച്ചിരിക്കുന്നത്.് രാവിലെ 9 മണി മുതല് 4 മണി വരെ സ്വാമി ബോധാനന്ദ ഹൈസ്കൂളിലാണ് അനന്യ സമേതം ഏകദിന ശില്പശാല നടക്കുന്നത്.
ചാഴൂര് ഗ്രാമ പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്മാന് എം.കെ ഷണ്മുഖന്റെ നേതൃത്വത്തിലാണ് ശില്പ ശാല നടക്കുന്നത്. ചാഴൂര് ഗ്രാമ പഞ്ചായത്ത് പ്രസിഡന്റ് കെ.എസ് മോഹന്ദാസ് ശില്പ ശാലയുടെ സമാപന സമ്മേളനം ഉദ്ഘാടനം ചെയ്യുതു. തൃശൂര് ജില്ലാ പഞ്ചായത്ത് മെമ്പര് ഷീന പറയങ്ങാട്ടില് മുഖ്യ സാന്നിദ്ധ്യം വഹിച്ചു.
തൃശ്ശൂര് ജില്ലയിലെ ചാഴൂര് ഗ്രാമ പഞ്ചായത്തിന് കീഴിലുള്ള യു പി, ഹൈസ്കൂള് വിദ്യാലയങ്ങളില് നിന്ന് തിരഞ്ഞെടുക്കപ്പെട്ട വിദ്യാര്ത്ഥികള്ക്കായാണ് ഈ ശില്പശാല സംഘടിപ്പിച്ചിരിക്കുന്നത്.
Discussion about this post