പാറ്റ്ന: തൻ്റെ പാർട്ടിയുടെ വാതിലുകൾ മുഖ്യമന്ത്രി നിതീഷ് കുമാറിന് വേണ്ടി എപ്പോഴും തുറന്നിരിക്കുന്നു” എന്ന രാഷ്ട്രീയ ജനതാദൾ (ആർജെഡി) നേതാവ് ലാലു പ്രസാദ് യാദവിൻ്റെ പരാമർശത്തിന് തക്ക മറുപടി നൽകി ബീഹാർ മുഖ്യമന്ത്രി നിതീഷ് കുമാർ.
അത്തരം കാര്യങ്ങളൊന്നും ആരാണ് പറഞ്ഞതെന്ന് പോലും ഞാൻ ശ്രദ്ധിക്കാറില്ല എന്ന് പറഞ്ഞ നിതീഷ് കുമാർ തക്കതായ കാരണങ്ങൾ ഉണ്ടായത് കൊണ്ടാണ് മുൻ സഖ്യ കക്ഷിയിൽ നിന്നും പിരിയേണ്ടി വന്നതെന്ന് വ്യക്തമാക്കി.
കാര്യങ്ങൾ ശരിയായി നടക്കുന്നുണ്ടായിരുന്നില്ല , അതിനാൽ ഞാൻ അവരെ (ആർജെഡി) വിട്ടു, ”കുമാർ പറഞ്ഞു. “ഇനി ഇടയിൽ എഎന്താണ് തെറ്റ് സംഭവിച്ചതെന്ന് ഞങ്ങൾ അന്വേഷിക്കും.
നാഷണൽ കോൺഗ്രസ് (എൻസി) തലവൻ ഫാറൂഖ് അബ്ദുള്ളയും രാഷ്ട്രീയ ലോക്ദൾ (ആർഎൽഡി) തലവൻ ജയന്ത് സിങ്ങും ഇന്ത്യൻ സഖ്യത്തിൽ നിന്ന് അകന്നുപോകുന്നുവെന്ന ആശങ്കയെക്കുറിച്ചുള്ള ചോദ്യത്തിനും നിതീഷ് കുമാർ ശനിയാഴ്ച പ്രതികരിച്ചു.
എല്ലാവരേയും ഒരുമിച്ച് നിർത്താൻ ഞാൻ പരമാവധി ശ്രമിച്ചു…എന്നാൽ ആ സഖ്യം പണ്ടേ തകർന്നതാണ് ,” കുമാർ മാധ്യമപ്രവർത്തകരോട് പറഞ്ഞു. “ഇപ്പോൾ ഞാൻ ബിഹാറിലെ ജനങ്ങൾക്ക് വേണ്ടിയാണ് പ്രവർത്തിക്കുന്നത്, അത് തുടരും. അദ്ദേഹം പറഞ്ഞു
