തിരുവനന്തപുരം : പിണറായി കുടുംബത്തെ ന്യായീകരിച്ചാൽ സ്വയം നാറും എന്ന് ഇപ്പോൾ സിപിഎം നേതാക്കൾക്ക് മനസ്സിലായെന്ന് കെപിസിസി അദ്ധ്യക്ഷൻ കെ സുധാകരൻ. ഈ കാരണം കൊണ്ടാണ് ഇപ്പോൾ പിണറായി വിജയന്റെ മകൾ നടത്തിയ തട്ടിപ്പിനെ ന്യായീകരിക്കാൻ പാർട്ടി നേതാക്കൾ വരാത്തതെന്നും സുധാകരൻ വ്യക്തമാക്കി. സിപിഐഎമ്മിൽ പിണറായി യുഗത്തിന് അന്ത്യമായെന്നും കെ സുധാകരൻ അഭിപ്രായപ്പെട്ടു.
കേരളത്തിൽ സിപിഐഎമ്മും ബിജെപിയും പരസ്പര ധാരണയിലാണ് മുന്നോട്ടുപോകുന്നതെന്നും കെ സുധാകരൻ ആരോപിച്ചു. ജനങ്ങളുടെ മുഴുവൻ പിന്തുണയും കോൺഗ്രസിന് ആണുള്ളതെന്നും അദ്ദേഹം വ്യക്തമാക്കി. കഴിഞ്ഞ ദിവസവും കെ സുധാകരൻ പിണറായി വിജയനെതിരെ രൂക്ഷമായ വിമർശനമായിരുന്നു നടത്തിയിരുന്നത്.
ഭാര്യയുടെ പെൻഷൻ പണംകൊണ്ടാണ് എക്സാലോജിക് കമ്പനി തുടങ്ങിയതെന്ന പിണറായി വിജയന്റെ വാദം വിശ്വസിക്കാവുന്ന കാര്യമല്ലെന്ന് കെ സുധാകരൻ കഴിഞ്ഞദിവസം വ്യക്തമാക്കിയിരുന്നു. പിണറായിയുടെ ഭാര്യ ഇന്ത്യൻ പ്രസിഡണ്ട് ആണോ ഇത്രയും പണം കിട്ടാൻ എന്നും അദ്ദേഹം ചോദ്യമുന്നയിച്ചു. ഇങ്ങനെയൊക്കെ പറയാൻ പിണറായി വിജയന് എന്തോ മിസ്റ്റേക്ക് ഇല്ല എന്നാണ് സംശയം. ഒരിക്കലും രക്ഷപ്പെടുന്ന ഒന്നല്ല എക്സാ ലോജിക് കേസ്. പിണറായിയും കുടുംബവും എങ്ങനെയാണ് എന്ന് ലോകം അറിയണം. കോൺഗ്രസിന് കോടതിയിൽ പൂർണ്ണ വിശ്വാസമുണ്ട് എന്നും കെ സുധാകരൻ വ്യക്തമാക്കി.
Discussion about this post