ന്യൂഡൽഹി’ ഒരു വീട്ടമ്മയുടെ ജോലി വിലമതിക്കാനാവാത്തതാണെന്ന് വിശേഷിപ്പിച്ച് സുപ്രീംകോടതി. കുടുംബം നോക്കുന്ന ഒരു സ്ത്രീയുടെ മൂല്യം ഉയർന്ന തലത്തിലുള്ളതാണെന്നും അവളുടെ സംഭാവനകൾ പണത്തിന്റെ അടിസ്ഥാനത്തിൽ കണക്കാക്കാൻ പ്രയാസമാണെന്നും സുപ്രീം കോടതി പറഞ്ഞു. ജസ്റ്റിസുമാരായ സൂര്യകാന്ത്, കെവി വിശ്വനാഥൻ എന്നിവരടങ്ങിയ ബെഞ്ചിന്റെതാണ് നിരീക്ഷണം.
വരുമാനക്കാരനായ ഒരു കുടുംബാംഗത്തിന്റെ പങ്ക് പോലെ തന്നെ പ്രധാനമാണ് ഒരു വീട്ടമ്മയുടെ പങ്ക്. ഒരു ഗൃഹനാഥ നടത്തുന്ന പ്രവർത്തനങ്ങൾ ഓരോന്നായി കണക്കാക്കിയാൽ, സംഭാവന ഉയർന്ന ക്രമത്തിലുള്ളതും വിലമതിക്കാനാവാത്തതുമാണെന്നതിൽ സംശയമില്ല. വാസ്തവത്തിൽ, അവളുടെ സംഭാവനകൾ പണത്തിന്റെ അടിസ്ഥാനത്തിൽ മാത്രം കണക്കാക്കുക ബുദ്ധിമുട്ടാണെന്ന് കോടതി നിരീക്ഷിച്ചു.
2006 ൽ ഒരു അപകടത്തിൽ മരിച്ച സ്ത്രീയ്ക്ക് നഷ്ടപരിഹാരം വർദ്ധിപ്പിക്കാൻ നിർദ്ദേശിച്ചുകൊണ്ടുള്ള ഉത്തരവിലാണ് ഈ നിരീക്ഷണങ്ങൾ. അവൾ സഞ്ചരിച്ചിരുന്ന വാഹനം ഇൻഷുറൻസ് ചെയ്യാത്തതിനാൽ, അവളുടെ കുടുംബത്തിന് നഷ്ടപരിഹാരം നൽകാനുള്ള ബാധ്യത വാഹന ഉടമയുടെ മേൽ വന്നു. ഒരു മോട്ടോർ ആക്സിഡന്റ് ക്ലെയിം ട്രൈബ്യൂണൽ അവരുടെ കുടുംബത്തിന് ഭർത്താവിനും പ്രായപൂർത്തിയാകാത്ത മകനും 2.5 ലക്ഷം രൂപ നഷ്ടപരിഹാരം നൽകി. ഉയർന്ന നഷ്ടപരിഹാരത്തിനായി കുടുംബം ഉത്തരാഖണ്ഡ് ഹൈക്കോടതിയിൽ അപ്പീൽ നൽകി, എന്നാൽ സ്ത്രീ വീട്ടമ്മയായതിനാൽ അവരുടെ അപേക്ഷ 2017 ൽ ഹൈക്കോടതി നിരസിച്ചു. എന്നാൽ അപ്പീൽ പരിഗണിച്ച സുപ്രീംകോടതി. ഒരു വീട്ടമ്മയുടെ വരുമാനം ദിവസ വേതനത്തേക്കാൾ കുറവായി എങ്ങനെ കണക്കാക്കും? അത്തരമൊരു സമീപനം ഞങ്ങൾ അംഗീകരിക്കുന്നില്ലെന്ന് വ്യക്തമാക്കി.
6 ലക്ഷം രൂപ നഷ്ടപരിഹാരം മരിച്ച സ്ത്രീയുടെ കുടുംബത്തിന് ആറാഴ്ചയ്ക്കകം നൽകണമെന്ന് വാഹന ഉടമയോട് സുപ്രീം കോടതി നിർദ്ദേശിച്ചു, ”ഒരു വീട്ടമ്മയുടെ മൂല്യം ഒരിക്കലും കുറച്ചുകാണരുതെന്ന് കോടതി ചൂണ്ടിക്കാട്ടി.
Discussion about this post