പ്ലോട്ട് ബ്ലെയർ : ആൻഡമാൻ നിക്കോബാർ ദ്വീപുകളിലെ പോർട്ട് ബ്ലെയറിലെ ചരിത്രപ്രസിദ്ധമായ സെല്ലുലാർ ജയിൽ സന്ദർശിച്ച് രാഷ്ട്രപതി ദ്രൗപതി മുർമു . രക്തസാക്ഷി ബലികൂടീരത്തിൽ പുഷ്പചക്രം അർപ്പിക്കുകയും ചെയ്തു. തുടർന്ന് തടവിലാക്കപ്പെട്ട് മരണമടഞ്ഞ ആയിരക്കണക്കിന് സ്വാതന്ത്ര്യ സമരസേനാനികൾക്കുള്ള ആരദ സൂചകമായി സംരക്ഷിച്ചു പോരുന്ന ‘ സ്വതന്ത്ര്യ ജ്യോത് ‘ എന്ന നിത്യജ്വാലയും ദ്രൗപദി മുർമു സന്ദർശിച്ചു . ദ്വീപസമൂഹത്തിൽ അഞ്ച് ദിവസത്തെ സന്ദർശനത്തിനായി എത്തിയതാണ് ദ്രൗപതി മുർമു . ദ്വീപസമൂഹത്തിൽ അഞ്ച് ദിവസത്തെ സന്ദർശനത്തിനായി എത്തിയതാണ് ദ്രൗപതി മുർമു .
തന്ത്രപരമായ കാഴ്ചപ്പാടിൽ ആൻഡമാൻ നിക്കോബാർ ദ്വീപുകൾ വളരെ പ്രധാനപ്പെട്ടതാണെന്ന് രാഷ്ട്രപതി പറഞ്ഞു. ദക്ഷിണ തെക്കുകിഴക്കൻ ഏഷ്യൻ രാജ്യങ്ങളുമായി ഇന്ത്യയെ ബന്ധിപ്പിക്കുന്നതിൽ ദ്വീപുകൾക്ക് ഭൂമിശാസ്ത്രപരമായി പ്രധാന്യമുണ്ട്. അതിനാൽ ആൻഡമാൻ നിക്കോബാർ ദ്വീപുകൾ ഇന്ത്യയുടെ ആക്റ്റ് ഈസ്റ്റ് പോളിസിയുടെ ഒരു പ്രധാന ഘടകമാണ് എന്നും രാഷ്ട്രപതി കൂട്ടിച്ചേർത്തു.
ദ്വീപിലെ വിനോദസഞ്ചാരം വിപുലീകരിക്കുക എന്ന ലക്ഷ്യത്തോടെയാണ് കേന്ദ്രസർക്കാർ വീർ സവർക്കർ വിമാനത്താവളം നിർമ്മിച്ചത്. ഇത് ഇവിടേക്കുള്ള കണക്റ്റിവിറ്റി വർദ്ധിപ്പിക്കുന്നതിനൊപ്പം വിദേശ വിനോദസഞ്ചാരികളെയും കൂടുതലായി പ്രദേശത്തേക്ക് ആകർഷിക്കുകയും ചെയ്യുന്നു. കേന്ദ്രഭരണപ്രദേശത്തെ ടൂറിസം മേഖല വിപൂലികരിക്കാൻ കേന്ദ്രസർക്കാർ പ്രത്യേക ശ്രദ്ധ പുലർത്തുന്നുണ്ട്. പ്രദേശത്തെ വിനോദസഞ്ചാരികളെ കൂടുതലായി ഇവിടേക്ക് ആകർഷിക്കാൻ സാധിക്കുന്നു. 2014 മുതൽ 2022 വരെയുള്ള കാലയളവിൽ ധാരാളം വിനോദസഞ്ചാരികളാണ് ഇവിടെ എത്തിയത്. വിനോദസഞ്ചാരത്തിന്റെ തുടർച്ചയായ വളർച്ച യുവാക്കൾക്ക് തൊഴിലവസരങ്ങൾ സൃഷ്ടിക്കുന്നുണ്ട് എന്നും രാഷ്ട്രപതി പറഞ്ഞു.
Discussion about this post