കീവ് : യുക്രൈൻ സന്ദർശനത്തിനിടെ കാനഡ പ്രധാനമന്ത്രി ജസ്റ്റിൻ ട്രൂഡോയ്ക്ക് വൻ നാക്ക് പിഴ. ‘റഷ്യ ഈ യുദ്ധത്തിൽ ഉറപ്പായും വിജയിക്കും’ എന്നാണ് ട്രൂഡോ യുക്രൈനിൽ വച്ച് നടത്തിയ വാർത്ത സമ്മേളനത്തിൽ വച്ച് പറഞ്ഞത്. യുദ്ധത്തിൽ തകർന്ന യുക്രൈന് മൂന്ന് ബില്ല്യൺ ഡോളർ സാമ്പത്തിക സഹായം പ്രഖ്യാപിച്ചതിനുശേഷം ആയിരുന്നു ജസ്റ്റിൻ ട്രൂഡോയുടെ ഈ വിവാദ പരാമർശം ഉണ്ടായത്.
പോളിഷ് പ്രധാനമന്ത്രിയായ ഡോണാൾഡ് ടസ്കിനോടൊപ്പം വാഴ്സോയിൽ വച്ച് നടത്തിയ സംയുക്ത വാർത്താസമ്മേളനത്തിന് ഇടയിലാണ് ട്രൂഡോ റഷ്യയെ പിന്തുണച്ച് സംസാരിച്ചത്. ” ഈ യുദ്ധത്തിൽ റഷ്യ തീർച്ചയായും വിജയിക്കും” എന്ന് ആദ്യം പറഞ്ഞ ട്രൂഡോ പെട്ടെന്ന് തന്നെ തിരുത്തി “ഈ യുദ്ധത്തിൽ യുക്രൈൻ തീർച്ചയായും വിജയിക്കണം” എന്ന് മാറ്റി പറഞ്ഞു. വീഡിയോ വൈറൽ ആയതോടെ ആഗോള മാദ്ധ്യമങ്ങൾ അടക്കം കടുത്ത പരിഹാസത്തോടെയാണ് ട്രൂഡോയെ വിമർശിച്ചത്.
‘ബൈഡൻ 2.0’ എന്നാണ് ചില മാദ്ധ്യമങ്ങൾ കാനഡ പ്രധാനമന്ത്രിയെ വിശേഷിപ്പിച്ചത്. സമൂഹമാദ്ധ്യമങ്ങളിലും ജസ്റ്റിൻ ട്രൂഡോയ്ക്കെതിരെ കടുത്ത വിമർശനങ്ങളാണ് ഉയരുന്നത്. ബൈഡന് 81 വയസ്സായി എന്നെങ്കിലും കരുതാം, എന്നാൽ ജസ്റ്റിൻ ട്രൂഡോക്ക് എന്ത് ഒഴിവ് കഴിവാണ് പറയാനുള്ളതെന്നാണ് സമൂഹ മാദ്ധ്യമങ്ങളിൽ ഉയരുന്ന ചോദ്യം.
Discussion about this post