ന്യൂഡൽഹി : ലോക്സഭ തിരഞ്ഞെടുപ്പിനുള്ള ആദ്യഘട്ട സ്ഥാനാർത്ഥി പട്ടിക ബിജെപി പുറത്തിറക്കി. 195 ലോക്‌സഭാ സ്ഥാനാർത്ഥികളുടെ ആദ്യ പട്ടികയാണ് ഡൽഹിയിലെ പാർട്ടി ആസ്ഥാനത്ത് വെച്ച് ബിജെപി ദേശീയ ജനറൽ സെക്രട്ടറി വിനോദ് താവ്ഡെ പ്രഖ്യാപിച്ചത്. പ്രധാനമന്ത്രി നരേന്ദ്രമോദി വാരാണസിയിലും ആഭ്യന്തരമന്ത്രി അമിത് ഷാ ഗാന്ധിനഗറിലും പ്രതിരോധമന്ത്രി രാജ്‌നാഥ് സിംഗ് ലഖ്‌നൗവിലും മത്സരിക്കും.
34 കേന്ദ്ര-സംസ്ഥാന മന്ത്രിമാരും ലോക്‌സഭാ സ്പീക്കറും രണ്ട് മുൻ മുഖ്യമന്ത്രിമാരും 28 വനിതാ സ്ഥാനാർത്ഥികളും ഉൾപ്പെടുന്നതാണ് ബിജെപിയുടെ ആദ്യഘട്ട പട്ടിക. 50 വയസ്സിന് താഴെയുള്ള 47 സ്ഥാനാർത്ഥികളാണ് ബിജെപിയുടെ ആദ്യ പട്ടികയിൽ ഉള്ളത്. പട്ടികജാതി വിഭാഗത്തിൽപ്പെട്ട 27 പേരും പട്ടികവർഗ വിഭാഗത്തിൽപ്പെട്ട 18 പേരും ഒബിസി വിഭാഗത്തിൽപ്പെട്ട 57 പേരും സ്ഥാനാർത്ഥികളായി ഉണ്ട്.
ബിജെപി പട്ടികയിലെ പ്രധാന സ്ഥാനാർത്ഥികളിൽ മുൻ മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാനും ഉൾപ്പെട്ടിട്ടുണ്ട്. വിദിഷയിൽ നിന്നുമാണ് ശിവരാജ് സിംഗ് ചൗഹാൻ മത്സരിക്കുന്നത്. സ്മൃതി ഇറാനി അമേഠിയിൽ നിന്നും , നിതിൻ ഗഡ്കരി നാഗ്പൂരിൽ നിന്നും മത്സരിക്കുന്നതാണ്. കിരൺ റിജിജു അരുണാചൽ വെസ്റ്റ് മണ്ഡലത്തിൽ നിന്നും മൻസുഖ് മാണ്ഡവ്യ പോർബന്തറിലും
ജ്യോതിരാദിത്യ സിന്ധ്യ ഗുണയിൽ നിന്നും മത്സരിക്കും.
Discussion about this post