തിരുവനന്തപുരം: വെൺപാലവട്ടത്ത് സ്വീവേജ് ടാങ്കിലേക്ക് വീണ് തൊഴിലാളികൾക്ക് ഗുരുതര പരിക്ക്. പശ്ചിമ ബംഗാൾ സ്വദേശി പിൻറോ(30) ഝാർഖണ്ഡ് സ്വദേശി അഫ്താബ് (23) എന്നിവർക്കാണ് പരിക്കേറ്റത്. അപകടത്തിൽ സാരമായി പരിക്കേറ്റ ഇവരെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
വൈകീട്ടോടെയായിരുന്നു സംഭവം. സ്വീവേജ് ടാങ്കിലെ ജോലിക്കിടെ ഉരുക്ക് വടം പൊട്ടിയാണ് തൊഴിലാളികൾ ടാങ്കിലേക്ക് വീണത്. ടാങ്കിന് 50 അടിയോളം താഴ്ചയുണ്ടായിരുന്നു. ടാങ്കിലെ മണ്ണിൽ പുതഞ്ഞുപോയ തൊഴിലാളികളെ ഏറെ നേരത്തെ പരിശ്രമത്തിനൊടുവിലാണ് പുറത്ത് എത്തിച്ചത്. ഫയർഫോഴ്സിന്റെയും പോലീസിന്റെയും സംയുക്ത സംഘമാണ് രക്ഷാപ്രവർത്തനം നടത്തിയത്.
