തൃശ്ശൂർ: പത്മജ വേണുഗോപാലിന്റെ പാർട്ടി പ്രവേശനത്തിൽ പ്രതികരണവുമായി നടനും ബിജെപി സ്ഥാനാർത്ഥിയുമായ സുരേഷ് ഗോപി. പത്മജ സ്വന്തം ആഗ്രഹ പ്രകാരമാണ് ബിജെപിയിൽ ചേർന്നത്. ഇഷ്ടം അറിയിച്ചപ്പോൾ ദേശീയ നേതൃത്വം എതിർത്തില്ലെന്നും സുരേഷ് ഗോപി പറഞ്ഞു.
പത്മജ അവരുടെ ഇഷ്ടാനുസരണം ആണ് ബിജെപിയിൽ ചേർന്നത്. പത്മജയെ ആരും പാർട്ടിയിൽ ചേരാൻ നിർബന്ധിച്ചില്ല. അവരുടെ ഇഷ്ടം അവർ ദേശീയ നേതൃത്വത്തെ അറിയിച്ചുരുന്നു. ഇത് നേതൃത്വം അംഗീകരിച്ചു. അത്രമാത്രമായിരുന്നു ഉണ്ടായത്.
കെ. മുരളീധരനും പത്മജയും ആങ്ങളും പെങ്ങളുമാണെന്ന് അവർ തീരുമാനിക്കട്ടെ. കല്യാണിക്കുട്ടിയമ്മയെവരെ ചോദ്യം ചെയ്തത് അല്ലേ. അപ്പോൾ അവർ തന്നെ തീരുമാനിക്കട്ടെ. സംസ്ഥാനത്ത് നിലവിൽ ശക്തമായ ഭരണവിരുദ്ധ വികാരം ഉണ്ട്. പ്രചാരണത്തിനിടെ ജനങ്ങളുടെ മനോഭാവത്തിൽ നിന്നും ഇത് വ്യക്തമാകുന്നുണ്ട്. ഇക്കുറി ബിജെപിയുടെ വോട്ട് ശതമാനം കൂടുമെന്നും അദ്ദേഹം കൂട്ടിച്ചേർത്തു.
