തഗ്ഗ് ലൈഫ് എന്ന ചിത്രത്തിലൂടെ ഉലകനായകൻ കമൽഹാസനും മണിരത്നവും മൂന്ന് പതിറ്റാണ്ടുകൾക്ക് ശേഷം ഒന്നിക്കുന്നു. കമലിൻറെ കരിയറിലെ വൻ പ്രൊജക്ടുകളിൽ ഒന്നായിരിക്കും ഇതെന്നാണ് കോളിവുഡ് വൃത്തങ്ങൾ പറയുന്നത്. സിനിമയിൽ ദുൽഖർ സൽമാനൊപ്പം മലയാളത്തിൽ നിന്ന് ജോജു ജോർജ് ചിത്രത്തിൻറെ ഭാഗമാകും എന്നാണ് ആദ്യം വിവരം പുറത്തുവന്നത്. എന്നാൽ കുറച്ചുനാളുകൾക്ക് മുൻപ് ഷെഡ്യൂളിലെ പൊരുത്തക്കേടുകൾ കാരണം ദുൽഖർ സൽമാൻ തഗ്ഗ് ലൈഫിൽ നിന്നും പിൻമാറിയെന്നാണ് പുറത്തുവന്ന വിവരം.
മണിരത്നമോ ചിത്രത്തിൻറെ പ്രധാന നിർമ്മാതാക്കളായ കമലിൻറെ തന്നെ രാജ്കമൽ ഇൻറർനാഷണലോ ഔദ്യോഗിക സ്ഥിരീകരണമൊന്നും ഇത് സംബന്ധിച്ച് നടത്തിയിട്ടില്ല. എന്തായാലും ദുൽഖർ സൽമാൻ ഉപേക്ഷിച്ച റോളിലേക്ക് തമിഴ്താരം ചിമ്പുവിനെ പരിഗണിക്കുന്നുണ്ട് മണിരത്നം എന്നാണ് പുതിയ വാർത്ത.
അതേസമയം, ചിത്രത്തിലെ ടൈറ്റിൽ അനൌൺസ്മെൻറ് ദൃശ്യങ്ങൾ കോപ്പിയടിച്ചതാണെന്ന ആരോപണമായി തമിഴ് സോഷ്യൽ മീഡിയയിൽ ചില അക്കൗണ്ടുകൾ രംഗത്തെത്തിയിരുന്നു. 2019 ൽ ഇറങ്ങിയ റൈസ് ഓഫ് സ്കൈവാക്കർ എന്ന ചിത്രത്തിലെ രംഗത്തിന് തഗ്ഗ് ലൈഫിൻറെ ടീസറുമായി സാമ്യം ഉള്ളതായാണ് ഇവർ ആരോപിച്ചത് . എന്നാൽ ജപ്പാനീസ് മാർഷ്യൽ ആർട്സാണ് പ്രമോ വീഡിയോയിൽ ഉപയോഗിച്ചിരിക്കുന്നത് എന്നാണ് ചിലർ കണ്ടെത്തിയത്. അതിനാൽ തന്നെ 2010 ലോ മറ്റോ പ്രഖ്യാപിച്ച് പിന്നീട് ഉപേക്ഷിച്ച കമൽ, വിക്രം ഒക്കെ ഉൾപ്പെടുന്ന അന്തർദേശീയ പ്രൊജക്ട് 19ത്ത് സ്റ്റെപ്പുമായി ഇതിന് ബന്ധമുണ്ടോ എന്ന ചർച്ചയും സോഷ്യൽ മീഡിയയിൽ നടക്കുന്നുണ്ട്
Discussion about this post