ന്യൂഡൽഹി: കോൺഗ്രസ് വനിതാ എംപി പ്രിനീത് കൗർ ബിജെപിയിൽ. ഡൽഹിയിലെ ബിജെപി ആസ്ഥാനത്ത് എത്തിയാണ് പ്രിനീത് പാർട്ടി അംഗത്വം സ്വീകരിച്ചത്. പട്യാലയിൽ നിന്നുള്ള കോൺഗ്രസ് എംപിയായ പ്രിനീത് പഞ്ചാബ് മുൻ മുഖ്യമന്ത്രി അമരീന്ദർ സിംഗിന്റെ ഭാര്യ കൂടിയാണ്.
കോൺഗ്രസിൽ നിന്നും പ്രിനീത് അച്ചടക്ക നടപടി നേരിട്ടിരുന്നു. ഇതിനിടെയാണ് ബിജെപി പ്രവേശനം. മുതിർന്ന ബിജെപി നേതാക്കൾ പരിപാടിയിൽ സന്നിഹിതരായിരുന്നു. ലോക്‌സഭാ തിരഞ്ഞെടുപ്പ് അടുത്തിരിക്കെ പ്രിനീതിന്റെ ബിജെപിയിലേക്കുള്ള വരവ് കോൺഗ്രസിന് കനത്ത തിരിച്ചടിയായിരിക്കുകയാണ്.
പാർട്ടി വിരുദ്ധ പ്രവർത്തനങ്ങൾ ചൂണ്ടിക്കാട്ടിയായിരുന്നു പ്രിനീതിനെ പാർട്ടി സസ്‌പെൻഡ് ചെയ്ത്. കഴിഞ്ഞ വർഷം ഫെബ്രുവരിയിലായിരുന്നു ഇത്. കോൺഗ്രസ് നേതാവ് അമരീന്ദർ രാജ നൽകിയ പരാതിയിൽ ആയിരുന്നു നടപടി. 2021 ൽ അമരീന്ദർ സിംഗിനെതിരെ കോൺഗ്രസ് അച്ചടക്ക നടപടി സ്വീകരിച്ചിരുന്നു. ഇതിന് പിന്നാലെ പാർട്ടിയുടെ സജീവ പ്രവർത്തനങ്ങളിൽ നിന്നും പ്രിനീതും വിട്ട് നിൽക്കുകയായിരുന്നു.
