മുംബൈ; രാജ്യത്ത് ഇന്ധന വില കുറച്ചതിന് പിന്നാലെ പുതിയ അവകാശവാദവുമായി കോൺഗ്രസ് നേതാവ് ജയറാം രമേശ്. പെട്രോൾ,ഡീസൽ വില കുറച്ചത് നല്ലതാണ്. ഭാരത് ജോഡോ ന്യായ് യാത്ര സ്വാധീനിക്കുന്നുണ്ടെന്ന് കോൺഗ്രസ് ജനറൽ സെക്രട്ടറി കൂടിയായ ജയറാം രമേശ് പറയുന്നു.
ജനങ്ങൾക്ക് ആശ്വാസമായി, പെട്രോൾ , ഡീസൽ വില ലിറ്ററിന് 2 രൂപ കുറയ്ക്കാൻ സർക്കാർ തീരുമാനിച്ചു. ‘ പെട്രോൾ , ഡീസൽ വില ലിറ്ററിന് 2 രൂപ കുറച്ചത് നല്ല കാര്യമാണ് . ‘ ഭാരത് ജോഡോ ന്യായ് യാത്ര ‘ കുറച്ച് ഫലമുണ്ടാക്കുന്നുണ്ട്. പണപ്പെരുപ്പം മൂലം ജനങ്ങൾ ബുദ്ധിമുട്ടിലാണെന്ന് രാഹുൽ ജി ആവർത്തിച്ച് പറഞ്ഞിട്ടുണ്ടെന്നായിരുന്നു ജയറാം രമേശിന്റെ പരാമർശം.
പെട്രോളിന്റെയും ഡീസലിൻറെയും വില രണ്ട് രൂപ വീതമാണ് എണ്ണകമ്പനികൾ കുറച്ചത്. പുതിയ വില ഇന്ന് രാവിലെ ആറ് മണി മുതൽ നിലവിൽ വന്നു. സാധാരണക്കാരോടുള്ള പ്രധാനമന്ത്രി നരേന്ദ്ര മോദിയുടെ പ്രതിബദ്ധതയാണ് പ്രകടമാകുന്നതെന്ന് പെട്രോളിയം മന്ത്രി ഹർദീപ് സിംഗ് പുരി വ്യക്തമാക്കി. കൊച്ചിയിൽ പെട്രോളിന് വില 105 രൂപ 50 പൈസയാകും പുതുക്കിയ വില. ഡീസൽ 94 രൂപ 50 പൈസയും.
Discussion about this post