ന്യൂഡൽഹി: സന്ദേശ്ഖാലിയിൽ എൻഫോഴ്സ്മെന്റ് ഡയറക്ടറേറ്റ് ഉദ്യോഗസ്ഥരെ ആക്രമിച്ച കേസിൽ മൂന്ന് പേരെ സിബിഐ അറസ്റ്റ് ചെയ്തു. മഫൂജാർ മൊല്ല, സിറാജുൾ മൊല്ല, ഷെയ്ഖ് അലോംഗിർ എന്നിവരാണ് അറസ്റ്റിലായത്.
ഈ മാസം 11ന് കേസുമായി ബന്ധപ്പെട്ട് മൂന്ന് പേരെ സിബിഐ അറസ്റ്റ് ചെയ്തിരുന്നു. ദിദാർ ബക്ഷ് മൊല്ല, ഫറുഖ് അഗുഞ്ചി, ജിയാവുദീൻ മൊല്ല എന്നിവരാണ് നേരത്തെ അറസ്റ്റിലായത്. ഇന്ന് മൂന്ന് പേർ കൂടി അറസ്റ്റിലായതോടെ ഇഡി ഉദ്യോഗസ്ഥരെ ആക്രമിച്ച കേസിൽ അറസ്റ്റിലായവരുടെ എണ്ണം ആറായി. പ്രതികളെ നാളെ മജിസ്റ്റ്രേിന് മുൻപിൽ ഹാജരാക്കുമെന്ന് സിബിഐ അറിയിച്ചു.
നേരത്തെ കേസ് സിബിഐക്ക് വിടുന്നതിനെതിരെ തൃണമൂൽ കോൺഗ്രസ് സുപ്രീം കോടതിയെ സമീപിച്ചിരുന്നു. എന്നാൽ, കേസ് സിബിഐക്ക് വിടാനുള്ള കൊൽക്കത്ത കോടതിയുടെ വിധിയിൽ ഇടപെടില്ലെന്നായിരുന്നു സുപ്രീം കോടതിയുടെ ഉത്തരവ്.
Discussion about this post