കണ്ണൂർ : സ്വർണ്ണക്കടത്തിനിടെ കണ്ണൂർ വിമാനത്താവളത്തിൽ രണ്ടുപേർ പിടിയിലായി. കാസർകോഡ്, കോഴിക്കോട് സ്വദേശികളാണ് അറസ്റ്റിൽ ആയിട്ടുള്ളത്. ഷൂവിലും ശരീരത്തിലുമായി ഒളിപ്പിച്ച് ഇവർ കടത്താൻ ശ്രമിച്ചത് 2.2 കിലോ സ്വർണമാണ്.
ദുബായിൽ നിന്നും എത്തിയ യാത്രക്കാരിൽ നിന്നുമാണ് സ്വർണം പിടികൂടിയത്. കാസർകോഡ് സ്വദേശിയായ അബ്ദുൾ റഹ്മാൻ, കോഴിക്കോട് സ്വദേശിയായ റഫീഖ് എന്നിവരാണ് സ്വർണ്ണക്കടത്തിനിടയിൽ പിടിയിലായത്.
ഡി ഐ ആർ ഐ കണ്ണൂർ യൂണിറ്റിന് കിട്ടിയ രഹസ്യ വിവരത്തിന്റെ അടിസ്ഥാനത്തിൽ ആയിരുന്നു പരിശോധന നടത്തിയത്. കസ്റ്റംസുമായി ചേർന്നാണ് ദുബായിൽ നിന്നും എത്തിയ യാത്രക്കാരെ പരിശോധിച്ചത്. തുടർന്നാണ് ഷൂവിലും ശരീരത്തിലും ആയി ഒളിപ്പിച്ചു കടത്താൻ ശ്രമിച്ച സ്വർണ്ണം കണ്ടെത്തിയത്.
Discussion about this post