നീലഗിരി: ദേവാലയിൽ കാട്ടാന ആക്രമണത്തിൽ 45കാരൻ കൊല്ലപ്പെട്ടു. നീർമട്ടം സ്വദേശി ഹനീഫയാണ് കൊല്ലപ്പെട്ടത്. വിറക് ശേഖരിക്കാൻ പോയ ഫനീഫയെ കാട്ടാന ആക്രമിക്കുകയായിരുന്നു.
നീലഗിരി എസ്റ്റേറ്റിന് സമീപം വച്ചാണ് ഇയാളെ കാട്ടാന ആക്രമിച്ചത്. ഇതിന് സമീപം തന്നെയായിരുന്നു ഹനീഫയുടെ വീട്. ഇവിടെ കാട്ടാന ആക്രമണങ്ങൾ പതിവാണെന്ന് നാട്ടുകാർ പറയുന്നു. ആഴ്ച്ചകൾക്കുള്ളിൽ തന്നെ നാല് പേരാണ് പ്രദേശത്ത് കാട്ടാന ആക്രമണത്തിൽ കൊല്ലപ്പെട്ടത്.
കഴിഞ്ഞ ദിവസം ഗൂഡല്ലൂരിൽ കാട്ടാന ആക്രമണത്തിൽ യുവാവ് കൊല്ലപ്പെട്ടിരുന്നു. ഓവേലിയ പെരിയ ചുണ്ടിയിൽ പ്രസാദ് ആണ് മരിച്ചത്. ജനവാസ മേഖലയിൽ ഇറങ്ങിയ കാട്ടാനയെ തുരത്തി കാട്ടിലേക്ക് അയയ്ക്കാൻ വനംവകുപ്പിനൊപ്പം പോയി തിരികെ വീട്ടിലേക്ക് പോകുന്നതിനിടെയാണ് ആക്രമണമുണ്ടായത്.
Discussion about this post