പെണ്കുട്ടിയെ മര്ദ്ദിച്ചെന്ന പരാതിയില് ബോളിവുഡ് താരം നവാസുദ്ദീന് സിദ്ദീഖിക്കെതിരെ പോലീസ് കേസെടുത്തു. മുംബൈയില് വാഹന പാര്ക്കിങ്ങിനെ ചൊല്ലിയുണ്ടായ തര്ക്കത്തിനിടെ 24കാരിയെ നവാസുദ്ദീന് തല്ലിയെന്നാണ് ആരോപണം.
നവാസുദ്ദീന് സിദ്ദീഖി താമസിക്കുന്ന ഹൗസിംഗ് കോളനിയില് കാര് പാര്ക്കിംഗുമായി ബന്ധപ്പെട്ട തര്ക്കമാണ് കയ്യേറ്റത്തില് കലാശിച്ചതെന്നാണ് പെണ്കുട്ടിയുടെ പരാതിയില് പറയുന്നത്. സ്ത്രീകള്ക്കെതിരായ അതിക്രമം തടയുന്നതിനുള്ള ഇന്ത്യന് ശിക്ഷാ നിയമം 354ാം വകുപ്പ് പ്രകാരമാണ് അദ്ദേഹത്തിനെതിരെ കേസെടുത്തിരിക്കുന്നത്.
പാര്ക്കിംഗ് ഏരിയ സിദ്ദിഖി ഒറ്റയ്ക്ക് കൈയടക്കുന്നത് മൊബൈലില് ചിത്രീകരിക്കാന് ചെന്നപ്പോള് മര്ദ്ദിച്ചുവെന്നാണ് ആരോപണം. നവാസുദ്ദീന് സിദ്ദീഖി താമസിക്കുന്ന അതേ ഹൗസിംഗ് കോളനിയിലെ അന്തേവാസിയാണ് പരാതി നല്കിയ പെണ്കുട്ടി. അതേ സമയം സംഭവത്തെക്കുറിച്ച് നവാസുദ്ദീന് സിദ്ദീഖി പ്രതികരിക്കാന് തയ്യാറായില്ല.
Discussion about this post