വാട്സ്ആപ്പിൽ നിരവധി ചാറ്റുകൾ ആവുപ്പോൾ പ്രധാനപ്പെട്ട ചാറ്റുകൾ കണ്ട് പിടിക്കാൻ കുറച്ച് പ്രയാസമാണ്. അതുകൊണ്ട് തന്നെ വാട്സ്ആപ്പിൽ പെട്ടെന്ന് ചാറ്റ് കാണാനും മെസേജ് അയക്കാനും ആളുകൾ മെസേജുകൾ പിൻ ചെയ്ത് വയ്ക്കാറുണ്ട്. എന്നാൽ നിലവിൽ ഒരു മെസേജ് മാത്രമേ പിൻ ചെയ്യാൻ സാധിക്കുകയുള്ളൂ. ഉപയോക്തളുടെ സൗകര്യാർഥത്തിന് പുതിയ ഫീച്ചർ അവതരിപ്പിച്ചിരിക്കുകയാണ് ഇപ്പോൾ വാട്സ്ആപ്പ്.
ഒരേസമയം മൂന്ന് മെസേജുകൾ വരെ പിൻ ചെയ്യാൻ ഉപയോക്താവിനെ അനുവദിക്കുന്ന ഫീച്ചറാണ് വാട്സ്ആപ്പ് അവതരിപ്പിച്ചിരിക്കുന്നത്. ഒരു ചാറ്റിൽ മൂന്ന് മെസേജുകൾ വരെ പിൻ ചെയ്ത് വയ്ക്കാൻ കഴിയുന്നത് ഉപയോക്താവിന് ഏറെ പ്രയോജനം ചെയ്യുമെന്നാണ് വാട്സ്ആപ്പിന്റെ വിലയിരുത്തൽ. വരും ദിവസങ്ങളിൽ തന്നെ ആൻഡ്രോയിഡ്, ഐഒഎസ്, വെബ് വേർഷനുകളിലും ഇത് ലഭ്യമാവുമെന്നാണ് പ്രതീക്ഷ.
എങ്ങനെയാണ് പിൻ ചെയ്യുന്നത്
വാട്സ്ആപ്പ് സ്ക്രീനിന്റെ വലതുവശത്തുള്ള ത്രീ ഡോട്ട്സിൽ പിൻ തിരഞ്ഞെടുത്ത് വേണം ഇത് ആക്ടീവാക്കാൻ. എത്രനാൾ മെസേജ് പിൻ ചെയ്ത് വയ്ക്കണമെന്ന് ഉപയോക്താവിന് മുൻകൂട്ടി തീരുമാനിക്കാൻ കഴിയും. 24 മണിക്കൂർ, ഏഴ് ദിവസം, 30 ദിവസം ഇവയിൽ ഏതെങ്കിലും തിരഞ്ഞെടുത്ത് മുന്നോട്ടുപോകുന്നതിനുള്ള സൗകര്യമാണ് ആൻഡ്രോയിഡ് ഫോണുകളിൽ ഒരുക്കിയിരിക്കുന്ന്ത്.
