ഇസ്ലാമാബാദ്; 2019 ഓഗസ്റ്റ് മുതൽ നിർത്തിവച്ച ഇന്ത്യയുമായുള്ള വ്യാപാരബന്ധം പുനഃസ്ഥാപിക്കുന്ന കാര്യം പാകിസ്താൻ ഗൗരവമായി പരിഗണിക്കുമെന്ന് വിദേശകാര്യ മന്ത്രി മുഹമ്മദ് ഇസ്ഹാഖ് ദാർ. ബ്രസൽസിൽ നടന്ന ആണവോർജ്ജ ഉച്ചകോടിയിൽ പങ്കെടുത്തതിന് ശേഷം ലണ്ടനിൽ നടത്തിയ പത്രസമ്മേളനത്തിലാണ് വിദേശകാര്യമന്ത്രിയുടെ ഈ പരാമർശങ്ങൾ.
ഇന്ത്യയുമായുള്ള വ്യാപാരം പുനരാരംഭിക്കണമെന്ന് പാക് വ്യവസായികൾ ആഗ്രഹിക്കുന്നു.ഇന്ത്യയുമായുള്ള വ്യാപാര ബന്ധം പുനഃസ്ഥാപിക്കുന്ന കാര്യം പാകിസ്താൻ പരിഗണിക്കുമെന്നും അദ്ദേഹം പറഞ്ഞു. ഇന്ത്യയുമായുള്ള വ്യാപാര പ്രവർത്തനങ്ങൾ പുനരാരംഭിക്കാനുള്ള പണമില്ലാത്ത പാകിസ്താനിലെ ബിസിനസ്സ് സമൂഹത്തിന്റെ വ്യഗ്രത അദ്ദേഹം എടുത്തുപറഞ്ഞു.
