ന്യൂഡൽഹി : കോൺഗ്രസിനും രാഹുൽ ഗാന്ധിക്കും എതിരെ രൂക്ഷ വിമർശനവുമായി ബിജെപി ദേശീയ വക്താവ് ഷെഹ്സാദ് പൂനാവാല. ഡൽഹി രാംലീല മൈതാനിയിൽ നടന്ന ഇൻഡി സഖ്യത്തിന്റെ മെഗാ റാലിയിൽ രാഹുൽ ഗാന്ധി നടത്തിയ ആരോപണങ്ങൾക്ക് മറുപടി പറയുകയായിരുന്നു ഷെഹ്സാദ് പൂനാവാല. രാജ്യത്തെ ഭിന്നിപ്പിക്കുന്ന രാഷ്ട്രീയം രാഹുലിന്റെയും കോൺഗ്രസിന്റെയും ഡിഎൻഎയിൽ തന്നെ ഉണ്ടെന്ന് ഷെഹ്സാദ് വ്യക്തമാക്കി.
“1947ൽ ഇന്ത്യാ വിഭജനത്തിന്റെ പൂർണ്ണ ഉത്തരവാദിത്വം ഇന്ത്യൻ നാഷണൽ കോൺഗ്രസിന് ആയിരുന്നു. രാജ്യത്തെ മതത്തിന്റെ പേരിൽ വിഭജിച്ചു. ജമ്മു കശ്മീരിന്റെ ഒരു ഭാഗം പാകിസ്താന്റെ നിയന്ത്രണത്തിൽ ആക്കാൻ കൂട്ടുനിന്നു. പിന്നീട് 1974ൽ ഇന്ദിരാഗാന്ധി ഭരണത്തിൽ ഉള്ളപ്പോൾ രാജ്യത്തിന്റെ താൽപര്യവും തമിഴ്നാട്ടിലെ ജനങ്ങളുടെ താല്പര്യവും ഒട്ടും കണക്കാക്കാതെ ഗാന്ധി കുടുംബത്തിന്റെ പ്രയോജനത്തിന് വേണ്ടി കച്ചത്തീവ് ദ്വീപ് ശ്രീലങ്കയ്ക്ക് കൈമാറി. അങ്ങനെ എല്ലാകാലത്തും ഇന്ത്യയെ വെട്ടി മുറിക്കുന്ന ശ്രമങ്ങളാണ് കോൺഗ്രസ് നടത്തുന്നത്” എന്നും ഷെഹ്സാദ് പൂനാവാല വ്യക്തമാക്കി.
ഗാന്ധി കുടുംബത്തിന്റെ താൽപര്യങ്ങളും അവരുടെ ആഗ്രഹങ്ങളും മാത്രമാണ് കോൺഗ്രസിന് എപ്പോഴും മുകളിൽ നിൽക്കുന്നത്. രാജ്യദ്രോഹം, രാജ്യ താത്പര്യത്തോടുള്ള വിട്ടുവീഴ്ച, ഭിന്നിപ്പിക്കുന്ന നയങ്ങൾ എന്നിവ കോൺഗ്രസിന്റെ എക്കാലത്തെയും നയങ്ങളാണ്. ഇന്ത്യയെ അപകീർത്തിപ്പെടുത്തിക്കൊണ്ട് അവർ ജനാധിപത്യം സംരക്ഷിക്കുന്നതിനെക്കുറിച്ച് സംസാരിക്കുന്നു. അഴിമതിക്കാരെ സംരക്ഷിക്കുന്ന നിലപാട് കോൺഗ്രസ് എല്ലാകാലത്തും സ്വീകരിച്ചിട്ടുണ്ടെന്നും അത് ഗാന്ധി കുടുംബത്തിന്റെ പ്രയോജനത്തിനു വേണ്ടിയാണെന്നും ഷെഹ്സാദ് പൂനാവാല വ്യക്തമാക്കി.
Discussion about this post