തിരുവനന്തപുരം: സീറ്റ് ഉണ്ടായിട്ടും യാത്രക്കാരൻ കൈ കാണിക്കുമ്പോൾ സ്റ്റോപ്പിൽ നിർത്താത്ത സാഹചര്യം കെ എസ് ആർ ടി സി യിൽ ഇനിയുണ്ടാകില്ല എന്ന് വ്യക്തമാക്കി ഗതാഗത മന്ത്രി. യാത്രക്കാർക്ക് പ്രാധാന്യം നൽകി കൊണ്ട്, ഉദ്യോഗസ്ഥരുടെ പെരുമാറ്റമടക്കം നിയന്ത്രിക്കുന്ന തരത്തിലുള്ള പരിഷ്‌കാരങ്ങൾ നടപ്പിലാക്കാനൊരുങ്ങുകയാണ് ഗതാഗത വകുപ്പെന്ന് മന്ത്രി വ്യക്തമാക്കി. സ്റ്റോപ്പിൽ കൈ കാണിച്ചാൽ നിർത്താതിരിക്കുന്ന ഡ്രൈവർക്ക് 1000 രൂപ അടക്കമുള്ള ഫൈൻ നടപ്പിലാക്കുമെന്ന് മന്ത്രി വ്യക്തമാക്കി. യാത്രക്കാരോട് അപമര്യാദയായി പെരുമാറിയാലും സമാനമായ നടപടികൾ സ്വീകരിക്കുമെന്ന് മന്ത്രി വ്യക്തമാക്കി.
യാത്രക്കാരെ ബുദ്ധിമുട്ടിക്കുന്ന കെ.എസ്.ആർ.ടി.സി ഡ്രൈവർമാർക്ക് 1000 രൂപ പിഴ ചുമത്താനാണ് തീരുമാനമെടുത്ത് ഉത്തരവിറങ്ങിയിരിക്കുന്നത്. ബസുകൾ സ്റ്റോപ്പിൽ നിർത്താത്തതിനെതിരെയാണ് നടപടി. അതെ സമയം കുറ്റം ആവർത്തിച്ചാൽ ശിക്ഷ ഇരട്ടിയാക്കുന്നതടക്കം നടപടികളുമായി വകുപ്പ് മുന്നോട്ട് പോകും . പിന്നീട് സ്ഥലമാറ്റവും സസ്‌പെൻഷനും നേരിടണം. നടപടികൾ വേഗത്തിലാക്കാൻ യൂണിറ്റ് മേധാവികൾക്ക് അധികാരം നൽകികൊണ്ട് കെ.എസ്.ആർ.ടി.സി ഉത്തരവിറക്കിയിട്ടുണ്ട് .
അതെ സമയം നിയമലംഘനങ്ങൾ യാത്രക്കാർക്ക് മൊബൈലിൽ ചിത്രീകരിച്ച് ഇ മെയിലിലും വാട്സാപ്പിലും കൺട്രോൾ നമ്പരുകളിലും പരാതിപ്പെടാം. യാത്രക്കാരോട് മോശമായി പെരുമാറിയാൽ 500 രൂപയാണ് ശിക്ഷ,ആവർത്തിച്ചാൽ പിഴ ഇരട്ടിയാകും.ഡ്യൂട്ടിക്കിടയിൽ കണ്ടക്ടർ ഉറങ്ങിയാൽ 1000 രൂപയാണ് പിഴ.സ്റ്റോപ്പുകൾ ഒഴിവാക്കി മറ്റു റോഡുകളിലൂടെ യാത്ര,സർവീസ് റോഡുകൾ ഒഴിവാക്കി യാത്ര ചെയ്യുക തുടങ്ങിയ കുറ്റങ്ങൾക്കും 1000 രൂപ പിഴ ചുമത്തും. സ്റ്റോപ്പിൽ ഇറക്കാതിരിക്കുക,അലക്ഷ്യമായി ബസ് ഓടിക്കുക, റിസർവേഷൻ ചെയ്ത യാത്രക്കാർക്ക് വിവരം നൽകാതിരിക്കുക തുടങ്ങിയ ക്രമക്കേടുകളെക്കുറിച്ചും പരാതിപ്പെടാം.
Discussion about this post