ചെന്നെ: രാഹുൽ ഗാന്ധിക്കെതിരെ രൂക്ഷ വിമർശനവുമായി കേന്ദ്രമന്ത്രി സ്മൃതി ഇറാനി. നിങ്ങളെ പോലെയുള്ള പലരും ഇവിടെ വന്നു പോയിട്ടുണ്ട്. എന്നാൽ, ഹിന്ദുസ്ഥാൻ നേരത്തെയും ഇവിടെ ഉണ്ടായിരുന്നു, ഇപ്പോഴും ഇവിടെയുണ്ട്, ഇനിയും ഇവിടെ തന്നെ തുടരുമെന്നും കേന്ദ്രമന്ത്രി തുറന്നടിച്ചു. ചെന്നെയിൽ ബിജെപി സ്ഥാനാർത്ഥി വിനോദ് പി സെൽവത്തിന്റെ തിരഞ്ഞെടുപ്പ് പ്രചാരണത്തിൽ പങ്കെടുക്കുകയായിരുന്നു സ്മൃതി ഇറാനി.
‘ഞാൻ പറയുന്നത് രാഹുൽ ഗാന്ധി കേൾക്കുന്നുണ്ടെങ്കിൽ എനിക്ക് അദ്ദേഹത്തിനോട് ഒരു കാര്യം പറയാനുണ്ട്. നിങ്ങളെ പോലെ പലരും ഇവിടെ വന്നു പോയിട്ടുണ്ട്. എന്നാൽ, ഹിന്ദുസ്ഥാൻ ഇവിടെ തന്നെ ഉണ്ടായിരുന്നു. ഇപ്പോഴും ഇവിടെ തന്നെ ഉണ്ട്. ഇനിയും ഇവിടെ തന്നെ ഉണ്ടാകും’- സ്മൃതി ഇറാനി പറഞ്ഞു.
ജയ് ശ്രീരാം വിളിച്ചതിന് ഇൻഡി സഖ്യം ആളുകളെ കൊന്നൊടുക്കിയ സംസ്ഥാനങ്ങൾ ഇവിടെയുണ്ട്. കേരളത്തിലും പശ്ചിമ ബംഗാളിലും ഇത് സംഭവിച്ചിട്ടുണ്ട്. ഇന്ന് ഭഗവാൻ ശ്രീരാമന്റെ പാദത്തിൽ തലകുനിച്ച് നിൽക്കാൻ കഴിയുന്നത് നമ്മുടെ ഭാഗ്യമാണ്. തീയതി പറഞ്ഞു. രാമക്ഷേത്രം നിർമ്മിച്ചു, ഭഗവാൻ ശ്രീരാമന്റെ മഹത്വം നോക്കു.. ശ്രീരാമന്റെ അസ്ഥിത്വത്തെ പോലും ചോദ്യം ചെയ്തവരെ പോലും ഭഗവാൻ തന്റെ അരികിലേക്ക് വിളിച്ചുവെന്നും കേന്ദ്രമന്ത്രി വ്യക്തമാക്കി.
Discussion about this post