വ്യത്യസ്തമായ രീതിയിലുള്ള പുതിയ ഫീച്ചറുകൾ അവതരിപ്പിച്ച് കൂടുതൽ ജനശ്രദ്ധ നോടുകയാണ് വാട്സ്ആപ്പ്. വ്യത്യസ്തമായ നിരവധി ഫീച്ചറുകളാണ് ഇടയ്ക്കിടെ വാട്സ്ആപ്പ് അവതരിപ്പിക്കുന്നത്. ഇപ്പോൾ വാട്സ്ആപ്പ് പുത്തൻ ഫീച്ചർ അവതരിപ്പിക്കാൻ ഒരുങ്ങുകയാണ് . മെച്ചപ്പെട്ട അനുഭവവും ആശയവിനിമയവും ലക്ഷ്യമിട്ടാണ് വാട്സ്ആപ്പ് പുതിയ ഫീച്ചർ അവതരിപ്പിക്കുന്നത്. ഈ ഫീച്ചറുകൾ ഉടൻ തന്നെ എത്തുമെന്നാണ് വിവരം.
വാട്‌സ്ആപ്പിലെ കോൺടാക്റ്റുകൾ സ്റ്റാറ്റസ് അപ്ഡേറ്റ് ചെയ്യുമ്പോൾ നോട്ടിഫിക്കേഷൻ ലഭിക്കുന്നതാണ് പുതിയ ഫീച്ചർ. വാട്സ്ആപ്പ് കോൺടാക്റ്റ് അപ്ഡേറ്റ് ചെയ്ത സ്റ്റാറ്റസ്, നിങ്ങൾ കണ്ടില്ലെങ്കിൽ ഉടൻ തന്നെ നിങ്ങൾക്ക് ഒരു നോട്ടിഫിക്കേഷൻ ലഭിക്കും. ഈ നോട്ടിഫിക്കേഷനുകളിലൂടെ വാട്‌സ്ആപ്പിലെ സ്റ്റാറ്റസ് നിങ്ങൾക്ക് കാണാൻ സാധിക്കും. അതുപോലെ തന്നെ നിങ്ങളുടെ സ്റ്റാറ്റസും എല്ലാവരും ഇനി മുതൽ കാണും.
കൂടാതെ പ്രൈമറി ഡിവൈസിലും ലിങ്ക് ചെയ്തിട്ടുള്ള ഡിവൈസുകളിലും ചാറ്റുകൾ ലോക്ക് ചെയ്യാനുള്ള പുത്തൻ ഫീച്ചർ അവതരിപ്പിക്കാൻ ഒരുങ്ങുകയാണ് വാട്സ്ആപ്പ്. സ്വകാര്യത വിപുലീകരിക്കാനാണ് വാട്ട്സ്ആപ്പ് ലക്ഷ്യമിടുന്നത്. ലിങ്ക് ചെയ്ത ഡിവൈസിൽ ലോക്ക് ചെയ്ത ചാറ്റുകൾ ആക്സസ് ചെയ്യുന്നതിനായി ഉപയോക്താക്കൾക്ക് അവരുടെ പ്രൈമറി ഡിവൈസിൽ ഒരു രഹസ്യ കോഡ് ഉണ്ടാക്കാൻ കഴിയും.
Discussion about this post