ബംഗളൂരൂ : ലോക്സഭാ തിരഞ്ഞെടുപ്പ് അടുത്തിരിക്കെ കോൺഗ്രസിന് തിരിച്ചടി. കർണാടകയിലെ പുലകേശിനഗർ മുൻ എംഎൽഎ അഖണ്ഡ ശ്രീനിവാസ് മൂർത്തി ബിജെപിയിൽ ചേർന്നു. മുൻ മുഖ്യമന്ത്രി ബിഎസ് യെദ്യൂരപ്പയുടെ സാന്നിദ്ധ്യത്തിലാണ് അംഗത്വം സ്വീകരിച്ചത്.
ഇവിടെ പ്രധാനമന്ത്രിയുടെ നേതൃത്വത്തിലുള്ള സർക്കാർ തിരികെ വരണമെന്ന് അദ്ദേഹം പറഞ്ഞു. 2022 മുതൽ അദ്ദേഹം കോൺഗ്രസ് നേതൃത്വവുമായി തർക്കത്തിലായിരുന്നു. തന്റെ വിഷമഘട്ടങ്ങളിൽ തന്റെ കൂടെ നിന്നിരിക്കുന്നത് കോൺഗ്രസല്ല ബിജെപിയാണ്. കോൺഗ്രസ് സംസ്ഥാന അദ്ധ്യക്ഷൻ ഡികെ ശിവകുമാർ തന്നോട് പെരുമാറിയ രീതിയാണ് തന്നെ ബിജെപിയിൽ ചേർത്തത് എന്നും അദ്ദേഹം കൂട്ടിച്ചേർത്തു.
ബിജെപിയിലേക്കുള്ള മൂർത്തിയുടെ ചേരൽ പാർട്ടിക്ക് കൂടുതൽ ഊർജം നൽകുമെന്ന് മുൻ മുഖ്യമന്ത്രി ബിഎസ് യെദ്യൂരപ്പ പറഞ്ഞു. കൂടാതെ ബംഗളൂരൂ നോർത്ത് ലോക്സഭാ മണ്ഡലത്തിലെ സ്ഥാനാർത്ഥി ശോഭ കരന്ദ്ലാജെ 3 ലക്ഷത്തിലധികം വോട്ടുകൾക്ക് വിജയിക്കുമെന്നും അദ്ദേഹം കൂട്ടിച്ചേർത്തു.
Discussion about this post