വാഷിംഗ്‌ടൺ: നിലവിലുള്ള ആഗോള സാഹചര്യങ്ങളുമായി യോജിച്ച് പോകുന്നതിന്, അന്താരാഷ്ട്ര സ്ഥാപനങ്ങളിൽ പരിവർത്തനം വേണം എന്ന ആവശ്യം അംഗീകരിച്ച് അമേരിക്ക. ഇന്ത്യ യുഎൻ സെക്യൂരിറ്റി കൗൺസിലിലെ സ്ഥിരംഗം അല്ല എന്നത് ഐക്യരാഷ്ട്ര സഭയെ തന്നെ ഉപയോഗ ശൂന്യമാക്കുന്നു എന്ന എലോൺ മസ്‌കിൻ്റെ നേരത്തെ പരാമർശത്തിന് പ്രതികരണമായാണ് ഈ നിലപാട് എന്നാണ് കരുതപ്പെടുന്നത്.
യുഎസ് സ്റ്റേറ്റ് ഡിപ്പാർട്ട്‌മെൻ്റ് പ്രിൻസിപ്പൽ ഡെപ്യൂട്ടി വക്താവ് വേദാന്ത് പട്ടേൽ നടത്തിയ പത്രസമ്മേളനത്തിൽ ആണ് യുഎസ് നിലപാട് വിശദീകരിച്ചു. പട്ടേൽ തൻ്റെ പരാമർശങ്ങളിൽ ഇന്ത്യയുടെ സാഹചര്യത്തെ നേരിട്ട് അഭിസംബോധന ചെയ്തില്ലെങ്കിലും, സമകാലിക യാഥാർത്ഥ്യത്തെ പ്രതിഫലിപ്പിക്കുന്നതിനായി യുഎൻ ഘടനകൾ അപ്‌ഡേറ്റ് ചെയ്യേണ്ടതിൻ്റെ ആവശ്യകത അദ്ദേഹം അടിവരയിട്ടു.ഇതിന്റെ അർത്ഥം ഇന്ത്യക്ക് ഐക്യരാഷ്ട്ര സഭയിൽ സ്ഥിരാന്ഗത്വം നൽകുന്നതിന് അമേരിക്ക പിന്തുണയ്ക്കുന്നു എന്ന് തന്നെയാണ്.
