പത്തനംതിട്ട : പത്തനംതിട്ടയിലെ എൽഡിഎഫ് സ്ഥാനാർത്ഥിയായ തോമസ് ഐസക്കിനെതിരെ വീണ്ടും പരാതി. തോമസ് ഐസക് പെരുമാറ്റ ചട്ടലംഘനം നടത്തിയെന്നാണ് പരാതി ഉയർന്നിട്ടുള്ളത്. നേരത്തെയും പെരുമാറ്റ ചട്ടലംഘനം നടത്തിയതിന്റെ പേരിൽ ഇദ്ദേഹത്തിനെതിരെ തിരഞ്ഞെടുപ്പ് കമ്മീഷനിൽ പരാതി ലഭിച്ചിരുന്നു.
കുടുംബശ്രീയുടെ പേരിൽ ലഘുലേഖകൾ അടക്കം അച്ചടിച്ച് വോട്ട് തേടുന്നു എന്നാണ് തോമസ് ഐസക്കിനെതിരെ ആരോപണം ഉയർന്നിട്ടുള്ളത്. പത്തനംതിട്ടയിലെ ഡിസിസി പ്രസിഡന്റ് സതീഷ് കൊച്ചുപറമ്പിൽ ആണ് തോമസ് ഐസക്കിനെതിരെ തിരഞ്ഞെടുപ്പ് കമ്മീഷനിൽ പരാതി നൽകിയിരിക്കുന്നത്.
എൽഡിഎഫ് സ്ഥാനാർത്ഥിയായ തോമസ് ഐസക്കിനെ വിജയിപ്പിക്കണമെന്ന് ആവശ്യപ്പെട്ടാണ് കുടുംബശ്രീയുടെ പേരിൽ ലഘുലേഖകൾ വിതരണം ചെയ്തിട്ടുള്ളത്. എന്നും എപ്പോഴും കുടുംബശ്രീയോടൊപ്പം, തോമസ് ഐസക്കിനെ വിജയിപ്പിക്കുക എന്ന വാചകങ്ങളോടെയാണ് കുടുംബശ്രീയുടെ ലഘുലേഖകൾ പ്രചരിപ്പിച്ചിരുന്നത്. കുടുംബശ്രീയുമായി ബന്ധപ്പെട്ട വിവിധ പരിപാടികളിൽ മുൻ സംസ്ഥാന ധനമന്ത്രി കൂടിയായിരുന്ന തോമസ് ഐസക്ക് പങ്കെടുക്കുന്നതിന്റെ ചിത്രങ്ങളും എൽഡിഎഫ് പ്രചരിപ്പിക്കുന്നുണ്ട് എന്നും പരാതി ഉയർന്നിട്ടുണ്ട്.
Discussion about this post