എറണാകുളം: 104-ാം വയസിൽ ബൂത്തിലെത്തി വോട്ട് രേഖപ്പെടുത്തി വിരോണി മുത്തശ്ശി. എറണാകുളം ലോക്സഭാ മണ്ഡലത്തിലാണ് മുത്തശ്ശി പ്രായത്തിന്റെ അവശതകൾ മറികടന്ന് വോട്ട് ചെയ്യാൻ എത്തിയത്.
മൂത്തേടം സെൻമേരിസ് യുപി സ്കൂളിലെ 28 ആം ബൂത്തിലായിരുന്നു മുത്തശ്ശിക്ക് വോട്ട് . കുടുംബത്തിനൊപ്പം എത്തിയാണ് മുത്തശ്ശി വോട്ട് രേഖപ്പെടുത്തിയത്. എല്ലാ തവണയും വോട്ട് ചെയ്യാറുണ്ടെന്ന് വിരോണി മുത്തശ്ശി പറഞ്ഞു.
കഴിഞ്ഞതവണ ഹോം വോട്ടിംഗ് സൗകര്യം ലഭിച്ചിരുന്നു. എന്നാൽ ഇത്തവണ അതുണ്ടായില്ല എന്ന് കുടുംബം വ്യക്തമാക്കി. വോട്ട് പാഴാക്കണ്ട എന്ന് വിചാരിച്ചാണ് മുത്തശ്ശി എത്തിയത് എന്നും കുടുംബം കൂട്ടിച്ചേർത്തു.
