ചോറ് ബാക്കി ഉണ്ടോ…? എന്നാൽ കളയണ്ട; കിടിലൻ വട ഉണ്ടാക്കാം

എല്ലാ വീടുകളിലും ചോറു ബാക്കി വന്നാൽ എടുത്തു ഫ്രിഡ്ജില്‍ വച്ച് ചൂടാക്കി കഴിക്കുകയോ എടുത്തു കളയുകയോ ആണ് പതിവ്. എന്നാൽ ഇനി മുതൽ അതുകൊണ്ട് നല്ല രുചികരമായ വട ഉണ്ടാക്കാം…

ആവശ്യമായ ചേരുവകൾ

നന്നായി വേവിച്ച ചോറ്         1 കപ്പ്‌
റവ                                               1/2 കപ്പ്‌
വറുത്ത അരിപൊടി                1/4 കപ്പ്‌
ഉപ്പ്                                          ആവശ്യത്തിന്
ചെറിയ ഉള്ളി                       20 എണ്ണം ( അരിഞ്ഞത് )
ഇഞ്ചി                                     ഒരു ചെറിയ കഷ്ണം
പച്ചമുളക്                               ഒന്നോ രണ്ടോ
കറിവേപ്പില                             കുറച്ചു
എണ്ണ                                     വറുക്കാൻ ആവശ്യത്തിന്

തയാറാക്കുന്ന വിധം

നന്നായി വെന്ത ചോറ് നന്നായി അരച്ചെടുക്കുക. ഇതിലേക്ക് ആവശ്യത്തിന് ഉപ്പും അരിപൊടിയും റവയും ചേർക്കുക. അതിലേക്കു പൊടിയായി അരിഞ്ഞു വച്ചിരിക്കുന്ന ഇഞ്ചി, ചെറിയ ഉള്ളി, പച്ചമുളക്, കറിവേപ്പില എന്നിവ ചേർത്തു നന്നായി കുഴച്ചെടുക്കുക. കളർ വേണമെങ്കിൽ കുറച്ചു മഞ്ഞൾ പൊടി കൂടെ ചേർത്തു കുഴക്കുക. ഇനി അതിൽ നിന്നും ഒരോ ചെറിയ ഉരുളകൾ എടുത്തു ഉഴുന്ന് വടയുടെ ഷേപ്പിൽ ആക്കി ചൂട് എണ്ണയിൽ വറുത്തു കോരുക.