നാടൻ ഭക്ഷണം പാകം ചെയ്യുമ്പോൾ രുചിയും ഗുണവും മണവും തോന്നണമെങ്കിൽ അതിൽ ഉള്ളി ചേർത്താൽ മാത്രമേ തോന്നുകയോള്ളു. എന്നാൽ ഉള്ളിക്ക് ഈ ഒരു ഗുണം മാത്രമല്ല ഉള്ളത് മറ്റൊരു സവിശേഷതയും കൂടിയുണ്ട്. ഈ വേനൽ കാലത്ത് ഉള്ളി കഴിക്കുന്നത് ശരീരത്തിന് ഏറെ നല്ലതാണ്.
വേനൽക്കാലത്ത് ശരീരത്തിൽ നിർജ്ജലീകരണം ഉണ്ടാവാതിരിക്കാൻ ഇലക്ട്രോലൈറ്റ് ബാലൻസ് നിലനിർത്തേണ്ടത് അത്യാവശ്യമാണ്. ശരീരത്തിലെ ഫ്ലൂയിഡ് ബാലൻസ് നിലനിർത്താൻ സഹായിക്കുന്ന ഇലക്ട്രോലൈറ്റ് ആയ പൊട്ടസ്യം ഉള്ളിയിൽ ധാരാളം അടങ്ങിയിട്ടുണ്ട്. ചൂടുകാലത്ത് വിയർക്കുന്നതുമൂലം നഷ്ടമാകുന്ന ഇലക്ട്രോലൈറ്റ് ഇംബാലൻസ് തടയാൻ ഉള്ളിക്ക് സാധിക്കും. കൂടാതെ ഉള്ളിയിൽ ധാരാളം ജലാംശവും അടങ്ങിയിട്ടുണ്ട്. കൂടാതെ ഇതിൽ ആന്റി ഇൻഫ്‌ലമേറ്ററി സംയുക്തങ്ങളായ ക്യുവർസെറ്റിൻ, സൾഫർ സംയുക്തങ്ങളും അടങ്ങിയിട്ടുണ്ട്. ഇത് ചൂടു മൂലം ഉണ്ടാകുന്ന സൺബേൺ, ഹീറ്റ് റാഷ് ഇവ കുറയ്ക്കാനും സഹായിക്കും
പച്ചയ്‌ക്കോ വേവിച്ചോ ഉള്ളി കഴിക്കുമ്പോൾ അത് ക്യുവർസെറ്റിൻ, സൾഫർ സംയുക്തങ്ങളെ പുറന്തള്ളുന്നു. ഇത് ശരീരത്തിന് തണുപ്പ് നൽകും. സാലഡിലും സാൻഡ്വിച്ചിലും സൂപ്പിലും ഉള്ളി ചേർക്കുന്നത് ചൂടിനെ പ്രതിരോധിക്കാൻ സഹായിക്കും.
Discussion about this post