ന്യൂഡല്ഹി: അമേഠി, റായ്ബറേലി സീറ്റുകളിലെ സ്ഥാനാര്ത്ഥി പ്രഖ്യാപനത്തിലെ തീരുമാനം മല്ലികാര്ജ്ജുന് ഖര്ഗെക്ക് വിട്ട് കോൺഗ്രസ് തെരഞ്ഞെടുപ്പ് സമിതി. രാഹുല് ഗാന്ധിയും, പ്രിയങ്ക ഗാന്ധിയും മത്സരിക്കണമെന്ന് തെരഞ്ഞെടുപ്പ് സമിതിയില് ശക്തമായ ആവശ്യം ഉയര്ന്നിട്ടുണ്ട്.
അമേഠിയില് പ്രിയങ്കയെ ഇറക്കി റായ്ബറേലി സീറ്റില് രാഹുല് ഗാന്ധി മത്സരിച്ചാലോയെന്ന ആലോചനയും പാര്ട്ടിയിലുണ്ട്.
മെയ് 20 ന് അഞ്ചാം ഘട്ടത്തിലാണ് റായ്ബറേലിയിലും അമേഠിയിലും വോട്ടെടുപ്പ്. ഔദ്യോഗിക പ്രഖ്യാപനത്തെ കുറിച്ചുള്ള ചോദ്യങ്ങളോട് കുറച്ച് ദിവസം കൂടി കാത്തിരിക്കൂവെന്നായിരുന്നു കോണ്ഗ്രസ് അധ്യക്ഷൻ മല്ലികാർജുൻ ഖർഗെയുടെ മറുപടി. വയനാട്ടിലെ ജനങ്ങൾ ആവശ്യപ്പെട്ടു, രാഹുൽഗാന്ധി മത്സരിച്ചു. ജനങ്ങൾ ആവശ്യപ്പെടുന്നിടത്ത് നേതാവ് പോകുമെന്നും ഖർഗെ വ്യക്തമാക്കി.
