പന്ത് കിണറ്റിൽ വീണു; എടുക്കാൻ ശ്രമിക്കുന്നതിനിടെ പത്ത് വയസുകാരന് ദാരുണാന്ത്യം

കോട്ടയം: പത്ത് വയസുകാരൻ കിണറ്റിൽ വീണ് മരിച്ചു. കരൂർ പഞ്ചായത്ത് കുടക്കച്ചിറ സെൻറ് തോമസ് മൗണ്ടിന് സമീപം വല്ലയിൽ ഓന്തനാൽ ബിജു പോളിൻറെ മകൻ ലിജു ബിജു (10)വാണ് മരിച്ചത്. സഹോദരിയോടൊപ്പം കളിക്കുന്നതിനിടെ കിണറ്റിലേക്ക് വീണ പന്ത് എടുക്കുന്നതിനിടെ കിണറ്റിലേക്ക് വീഴുകയായിരുന്നു. കിണറ്റിലെ ചെളിക്കുള്ളിൽ പുതഞ്ഞ ലിജുവിനെ നാട്ടുകാർ ഉടൻ തന്നെ പുറത്തെടുത്തെങ്കിലും രക്ഷിക്കാനായില്ല.

കുടക്കച്ചിറ സെന്റ് ജോസഫ് എൽ.പി സ്‌കൂൾ നാലാം ക്ലാസ് വിദ്യാർത്ഥിയാണ് ലിജു. ഇന്ന് രാവിലെ 10:40 ഓടെയാണ് സംഭവം. അടുത്ത ദിവസം ആദ്യകുർബാന സ്വീകരണത്തിനായുള്ള ഒരുക്കത്തിലായിരുന്നു ലിജു.