ന്യൂഡൽഹി: ഡൽഹിയിലെ സ്വകാര്യ ആശുപത്രിയിൽ വൻ തീപിടുത്തം. ആറ് നവജാത ശിശുക്കൾ വെന്തുമരിച്ചു. അഞ്ച് നവജാശ ശിശുക്കൾക്ക് സാരമായി പരിക്കേറ്റു. അർദ്ധരാത്രിയോടെയായിരുന്നു സംഭവം.
ഡൽഹിയിലെ വിവേക് വിഹാറിലുള്ള ന്യൂ ബോൺ ബേബി കെയർ ഹോസ്പിറ്റലിൽ ആയിരുന്നു തീപിടിത്തം ഉണ്ടായത്. നവജാത ശിശുക്കളെ കിടത്തിയിരുന്ന ബ്ലോക്കിലാണ് തീപിടിത്തം ഉണ്ടായത്. സംഭവ സമയം ജീവനക്കാർ ഉൾപ്പെടെ നിരവധി പേർ ഉണ്ടായിരുന്നു. ബ്ലോക്കിൽ നിന്നും തീ ഉയർന്ന ഉടൻ അധികൃതർ വിവരം ഫയർഫോഴ്സിനെ അറിയിക്കുകയായിരുന്നു.
നിരവധി നവജാത ശിശുക്കളാണ് ബ്ലോക്കിൽ ഉണ്ടായിരുന്നത്. രക്ഷിച്ചവരെ ഈസ്റ്റ് ഡൽഹിയിലെ അഡ്വാൻസ് എൻഐസിയു ആശുപത്രിയിലേക്ക് മാറ്റി. പരിക്കേറ്റ് ചികിത്സയിൽ കഴിയുന്ന കുഞ്ഞുങ്ങളിൽ ഒരു കുഞ്ഞ് വെന്റിലേറ്ററിൽ ആണ്.
Discussion about this post