ടെൽ അവീവ് : ഇസ്രായേലിനെതിരെ ഭീഷണിയുമായി ഇറാൻ പിന്തുണയിൽ പ്രവർത്തിക്കുന്ന ഭീകര സംഘടനയായ ഹിസ്ബുള്ള. ഇസ്രായേലിനെതിരായി അപ്രതീക്ഷിത ആക്രമണത്തിന് ഹിസ്ബുള്ള തയ്യാറെടുക്കുന്നതായാണ് റിപ്പോർട്ടുകൾ സൂചിപ്പിക്കുന്നത്. ഇറാനിലെ ഒരു ടെലിവിഷൻ ഷോയിൽ നടന്ന ചർച്ചയിലാണ് ഹിസ്ബുള്ള സെക്രട്ടറി ജനറൽ ഹസൻ നസ്റല്ല ഇസ്രായേലിന് ഒരു സർപ്രൈസ് നൽകുന്നുണ്ടെന്ന് മുന്നറിയിപ്പ് നൽകിയത്.
ലെബനൻ ആഭ്യന്തരയുദ്ധകാലത്ത് ഇറാനിൽ ഉയർന്നുവന്ന ഭീകര സംഘടനയാണ് ഹിസ്ബുള്ള, പലസ്തീനും ഗാസയ്ക്കും പിന്തുണ പ്രഖ്യാപിച്ച് ഇസ്രായേലിനെതിരായ പോരാട്ടങ്ങളിൽ ഹമാസിനോടൊപ്പം ഹിസ്ബുള്ളയും പങ്കുചേർന്നിരുന്നു. സംഘടന 24 വർഷം പൂർത്തിയാക്കുന്ന വേളയിൽ ഇറാൻ പ്രസിഡന്റിന്റെ അപകട മരണവുമായി ബന്ധപ്പെട്ട് നടന്ന ടെലിവിഷൻ ചർച്ചയിലാണ് ഹസൻ നസ്റല്ല ഇസ്രായേലിനെതിരെ ഭീഷണി മുഴക്കിയത്.
എട്ടുമാസമായി ഗാസയിൽ സംഘർഷം നീണ്ടുനിൽക്കുകയാണെന്ന് ഹിസ്ബുള്ള വക്താവ് വ്യക്തമാക്കി. എന്നിട്ടും ഇസ്രായേലിന് തങ്ങളുടെ ലക്ഷ്യങ്ങളിലേക്ക് ഒന്നും എത്താൻ കഴിഞ്ഞിട്ടില്ല എന്നും ഹസൻ നസ്റല്ല കുറ്റപ്പെടുത്തി. സൈനിക ആക്രമണം ഉടനടി നിർത്താൻ അന്താരാഷ്ട്ര നീതിന്യായ കോടതി ഉത്തരവിട്ടിട്ടും ഇസ്രായേൽ അന്താരാഷ്ട്ര പ്രമേയങ്ങളെ മാനിക്കുന്നില്ലെന്നും റഫയിൽ അക്രമാസക്തമായ ആക്രമണങ്ങൾ നടത്തുകയാണെന്നും നസ്റല്ല ആരോപണമുന്നയിച്ചു.
Discussion about this post