ന്യൂഡൽഹി : രാഷ്ട്രീയ അനിശ്ചിതത്വം കാരണം 2024 ഏപ്രിൽ, മെയ് മാസങ്ങളിൽ ഉത്കണ്ഠയുടെയും ഉയർന്ന ചാഞ്ചാട്ടത്തിൻ്റെയും ലക്ഷണങ്ങൾ കാണിച്ചിരുന്ന ഇക്വിറ്റി വിപണികൾക്ക് ആശ്വാസം. കേന്ദ്രത്തിൽ ബി ജെ പി യുടെ സുസ്ഥിരമായ സർക്കാർ വരുമെന്ന എക്സിറ്റ് പോൾ സർവേകൾ പുറത്ത് വന്നതോടെ വിപണി ശാന്തമായിരിക്കുകയാണ് എന്ന് വ്യക്തമാക്കി സാമ്പത്തിക ഏജൻസി മോത്തിലാൽ ഓസ്വാളിൻ്റെ റിപ്പോർട്ട്.
എക്സിറ്റ് പോൾ ഫലങ്ങൾ കേന്ദ്രത്തിലെ സുസ്ഥിര സർക്കാർ ഉണ്ടാകും എന്ന വ്യക്തമായ ചിത്രം പുറത്ത് വിട്ടതോടെയാണ് , വിപണികൾ സ്ഥിരത കൈവരിക്കുമെന്നും അടിസ്ഥാന ബിസിനസ്സ് പ്രവർത്തനങ്ങളിലേക്കും വളർച്ചാ സാധ്യതകളിലേക്കും തിരിച്ചു പോകുമെന്നും റിപ്പോർട്ട് വ്യക്തമാക്കിയത്.
പ്രധാനമന്ത്രി മോദിയുടെ വിജയത്തോടു കൂടി ഇപ്പോൾ ഉണ്ടാകാൻ പോകുന്ന നയരൂപീകരണത്തിലെ തുടർച്ച, വിപണിയുടെ സാമ്പത്തിക ആക്കം നിലനിർത്തുന്നതിലും വർദ്ധിപ്പിക്കുന്നതിലും നിർണായകമായ ഘടകമായാണ് പരിഗണിക്കപ്പെടുന്നത്.
ഈ വിജയം നൽകുന്ന രാഷ്ട്രീയ സ്ഥിരത, ആഭ്യന്തര, അന്തർദേശീയ നിക്ഷേപകർ ഒരു നല്ല സൂചനയായിട്ടാണ് കണക്കാക്കാൻ പോകുന്നത് . ഒരു നിക്ഷേപ കേന്ദ്രമെന്ന നിലയിൽ ഇന്ത്യയുടെ ആകർഷണീയത ഇത് കൂടുതൽ ഉറപ്പിക്കുന്നു, മോടിവാൾ ഒസ്വാൾ വ്യക്തമാക്കി.
