പ്രതിസന്ധി വന്നാൽ പതിന്മടങ്ങ് ശക്തനാകും; മോദിയുടെ ജാതകത്തിലെ നീചഭംഗ രാജയോഗത്തെ കുറിച്ചറിയാം

നരേന്ദ്ര മോദിയെ കുറിച്ച് അറിയുന്നവരൊക്കെ പൊതുവായി പറയുന്ന ഒരു കാര്യമുണ്ട്. അത് പ്രതിസന്ധി വരുമ്പോൾ നരേന്ദ്ര മോദിക്കുണ്ടാകുന്ന മാറ്റത്തെ കുറിച്ചാണ്. എന്നെ അടിച്ചമർത്താൻ നിങ്ങൾ നോക്കണ്ട, ഞാൻ അങ്ങനെ അമരുന്നവനല്ല എന്ന് ഒരു തവണ അദ്ദേഹം പ്രശസ്ത മാദ്ധ്യമ പ്രവർത്തകനായ രാജ്‌ദീപ് സർദേശായിയോട് പറഞ്ഞിട്ടുണ്ട്. അംഗുഷ്ഠൻ എന്ന പുരാണ കഥാപാത്രമായിട്ടാണ് നരേന്ദ്ര മോദിയെ പൊതുവെ അദ്ധേഹത്തിന്റെ ശത്രുക്കളും മിത്രങ്ങളും വിലയിരുത്താറ്. വിമർശിക്കുകയും എതിർക്കുമ്പോഴും കൂടുതൽ കൂടുതൽ വലുതായി വരുന്ന ഒരാളാണ് അംഗുഷ്ഠൻ.

എന്നാൽ നരേന്ദ്ര മോദിയുടെ സ്വഭാവത്തിലെ ഈ പ്രേത്യേകത അദ്ദേഹത്തിന്റെ ജാതകത്തിലെ ഒരു സവിശേഷ യോഗം കരണമാണെന്നാണ് പ്രമുഖ ജ്യോത്സ്യൻമാർ പറയുന്നത്. നീചഭംഗ രാജയോഗം എന്നാണ് ഇതിന്റെ പേര്. സാഹചര്യങ്ങൾ പ്രതികൂലമാകുമ്പോഴാണ് ഈ യോഗം പ്രവർത്തിക്കാൻ തുടങ്ങുക. അത് കൊണ്ട് തന്നെ തന്റെ ജീവിതത്തിൽ എന്തൊക്കെ പ്രതിസന്ധികൾ ഉണ്ടായിട്ടുണ്ടോ അപ്പോഴൊക്കെ നരേന്ദ്ര മോദി അതിൽ നിന്നും പുറത്ത് വരുന്നത്, വലിയ ലാഭം കൊയ്തു കൊണ്ടായിരിക്കും. ആ പ്രതിസന്ധികൾ നരേന്ദ്ര മോദി എന്ന മനുഷ്യനെ വേറെയൊരു തലത്തിലേക്ക് പരിവർത്തനം ചെയ്യുന്നതായും കാണാറുണ്ട്.

ഒരു വ്യക്തിയുടെ ജാതകത്തിൽ ഒരു ഗ്രഹം ഏറ്റവും ശക്തി കുറഞ്ഞ “നീചം” എന്ന അവസ്ഥയിൽ നിൽക്കുകയും അതിനെ ഭംഗം ചെയ്തു കൊണ്ട് മറ്റൊരു ഗ്രഹം ശക്തമായ സ്ഥലത്ത് വരുകയും ചെയ്യുമ്പോഴാണ് നീചഭംഗ രാജയോഗം ഉടലെടുക്കുന്നത്. തുടക്കത്തിൽ കഷ്ടപ്പാടുകൾ ഉണ്ടാവുകയും അതിനു ശേഷം ചക്രവർത്തി തുല്യമായ നിലയിലേക്ക് ജാതകനെ ഈ യോഗം കൊണ്ടെത്തിക്കുകയും ചെയ്യും.

അദ്ദേഹത്തിന്റെ ജീവിതം എടുത്ത് പരിശോധിച്ചാൽ തന്നെ നമുക്ക് ഇത് വ്യക്തമാകും. ഗുജറാത്തിന്റെ ചരിത്രത്തിലെ തന്നെ ഏറ്റവും വലിയ പ്രതിസന്ധികളിൽ കൂടെ സംസ്ഥാനം കടന്നു പോകുന്ന കാലഘട്ടത്തിലാണ് നരേന്ദ്ര മോദി സംസ്ഥാനത്തെ മുഖ്യമന്ത്രിയാകുന്നത്. 2001 ജനുവരി 26 ന് ഗുജറാത്തിലെ കച്ചിൽ ഉണ്ടായ വൻ ഭൂമികുലുക്കം. ഗോധ്ര കലാപം, അതിനു ശേഷം ഫെബ്രുവരി 2002 നുണ്ടായ ഗുജറാത്ത് കലാപം എന്നിവ ചരിത്രത്തിൽ അന്ന് വരെ ഒരു പുതുമുഖ മുഖ്യമന്ത്രിക്ക് നേരിടേണ്ടി വന്ന തിരിച്ചടികളിൽ വച്ചേറ്റവും വലുതായിരുന്നു.

എന്നാൽ അന്നത്തെ അനിഷ്ട സംഭവങ്ങൾക്ക് ശേഷം പിന്നീട് രൂപപ്പെട്ടു വന്ന നരേന്ദ്ര മോദി ആരായിരുന്നു എന്ന് ലോകത്തിന് മുഴുവൻ ഇപ്പോൾ അറിയാം.

എന്നാൽ ഇതിനു വിപരീതമായി, കാര്യമായ പ്രതിസന്ധികളോ തിരിച്ചടികളോ ഇല്ലാതിരിക്കുന്ന നരേന്ദ്ര മോദി താരതമ്യേനെ ദുര്ബലൻ ആണെന്നും നമുക്ക് പറയാൻ സാധിക്കും.

അത് കൊണ്ട് തന്നെ ഒരു പ്രതിസന്ധി നരേന്ദ്ര മോദിയുടെ ജീവിതത്തിലേക്ക് കടന്നു വരുമ്പോൾ, നരേന്ദ്ര മോദിയെ കുറച്ചു കാലമായിട്ടെങ്കിലും അറിയുന്ന ഏതൊരാളും സന്തോഷിക്കുകയാണ് വേണ്ടത്. കാരണം പുതുതായി എന്തോ ഒന്ന് നമുക്ക് ലഭിക്കാൻ പോകുന്നു എന്നാണ് അതിനർത്ഥം.