തിരുവനന്തപുരം: കുവൈത്ത് ദുരന്തത്തിൽ പരിക്കേറ്റ മലയാളികൾ അപകടനില തരണം ചെയ്തു. 14 മലയാളികളാണ് അപകടനില തരണം ചെയ്തത്. 14 മലയാളികൾ അടക്കം 31 ഇന്ത്യക്കാരാണ് വിവിധ ആശുപത്രികളിൽ ചികിത്സയിൽ തുടരുന്നത്.
ഇതിൽ 13 പേരും നിലവിൽ വാർഡുകളിലാണ് ചികിത്സയിൽ ഉള്ളത്. ഇവരുടെ ആരുടെയും നില ഗുരുതരമല്ല. ഒരാൾ മാത്രമാണ് ഐസിയുവിൽ തുടരുന്നത്.
കുവൈത്ത് ദുരന്തത്തിൽ മരിച്ച മലയാളികളിൽ നാലുപേരുടെ സംസ്കാരം ഇന്ന് നടക്കും. കൊല്ലം പുനലൂർ സ്വദേശി സാജൻ ജോർജിന്റെയും വിളിച്ചിക്കാല സ്വദേശി ലൂക്കോസിന്റെയും പത്തനംതിട്ട പന്തളം സ്വദേശി ആകാശ് ,കണ്ണൂർ കുറുവ സ്വദേശി അനീഷ് കുമാറിന്റെയും ആണ് ഇന്ന് സംസ്കാരം നടക്കുക. മൃതദേഹങ്ങൾ ഇന്നലെ നാട്ടിലെത്തിച്ചെങ്കിലും വിദേശത്തുള്ള ബന്ധുക്കൾ എത്താനുള്ളതിനാൽ ചടങ്ങുകൾ ഇന്നത്തേക്ക് തീരുമാനിക്കുകയായിരുന്നു. മൃതദേഹങ്ങൾ നിലവിൽ മോർച്ചറിയിൽ സൂക്ഷിച്ചിരിക്കുകയാണ്.
