വാരാണസി : പ്രധാനമന്ത്രി നരേന്ദ്രമോദിയുടെ വാരാണസി സന്ദർശനത്തിന്റെ ഒരുക്കങ്ങൾ വിലയിരുത്തി ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. പ്രധാനമന്ത്രിയായി അധികാരമേറ്റതിനുശേ ശേഷമുള്ള പ്രധാനമന്ത്രി നരേന്ദ്രമോദിയുടെ വാരാണസിയിലെ ആദ്യ സന്ദർശനം ആണിത്. രണ്ടുദിവസം യോഗി ആദിത്യനാഥ് വാരാണസിയിൽ തുടരും. മോദിയുടെ സന്ദർശനത്തിനു മുന്നോടിയായി നഗരത്തിന്റെ വിവിധ ഭാഗങ്ങളിലുള്ള സുരക്ഷാക്രമീകരണങ്ങൾ ഉൾപ്പെടെ അദ്ദേഹം പരിശോധിക്കും.
ഈ മാസം 18നാണ് പ്രധാനമന്ത്രി വാരാണസിയിൽ എത്തുന്നത്.മെഹന്ദി ഗഞ്ചിൽ നടക്കുന്ന പൊതുയോഗത്തിലും കിസാൻ സമ്മേളനത്തിനും പ്രധാനമന്ത്രി പങ്കെടുക്കും. തുടർന്ന് കാശി വിശ്വനാഥ ക്ഷേത്രം സന്ദർശിക്കുകയും ഗംഗ ആരതിയിൽ പങ്കെടുക്കുകയും ചെയ്യും.
പ്രധാനമന്ത്രിയുടെ സന്ദർശനത്തിന്റെ ഭാഗമായി ഒരുക്കങ്ങളിൽ മുഴങ്ങിയിരിക്കുകയാണ് ബിജെപി പ്രവർത്തകരും ജനങ്ങളും. കൂടാതെ വാരാണസിയിലും പരിസരപ്രദേശങ്ങളിലും നടന്നുകൊണ്ടിരിക്കുന്ന വിവിധ വികസന പദ്ധതികൾ വിലയിരുത്തുന്നതിന്റെ ഭാഗമായി ഉന്നത ഉദ്യോഗസ്ഥനുമായി യോഗി ആദിത്യനാഥ് കൂടിക്കാഴ്ചയും നടത്തി .പദ്ധതികൾ കാലതാമസം ഇല്ലാതെ സമയബന്ധിതമായി പൂർത്തിയാക്കണമെന്ന് അദ്ദേഹം ഉദ്യോഗസ്ഥർക്ക് നിർദ്ദേശം നൽക്കുകയും ചെയ്തു.
