തിരുവനന്തപുരം: മലയാളികൾക്ക് ബക്രീദ് ആശംസകൾ നേർന്ന് മുഖ്യമന്ത്രി പിണറായി വിജയൻ. വേർതിരിവുകൾക്ക് അതീതമായി എല്ലാവർക്കും ഒന്നിച്ച് ബലിപെരുന്നാൾ ആഘോഷിക്കാം. സ്നേഹത്തിന്റെയും ത്യാഗത്തിന്റെയും മഹത്തായ സന്ദേശമാണ് ബലിപെരുന്നാൾ പകർന്ന് നൽകുന്നത് എന്നും അദ്ദേഹം പറഞ്ഞു.
പരസ്പര സ്നേഹത്തിൻറെയും ത്യാഗത്തിൻറെയും മഹത്തായ സന്ദേശമാണ് ബലിപെരുന്നാൾ പകർന്നു നൽകുന്നത്. സമത്വപൂർണമായ ലോകം സാദ്ധ്യമാകുന്നതിന് വേണ്ടി നിസ്വാർത്ഥമായി സ്നേഹിക്കാനും സഹായഹസ്തം നീട്ടാനും സാധിക്കണം.
വേർതിരിവുകൾക്കും അതീതമായി നമുക്കൊരുമിച്ച് ബലിപെരുന്നാൾ ആഘോഷിക്കാമെന്നും മുഖ്യമന്ത്രി ആശംസ സന്ദേശത്തിൽ വ്യക്തമാക്കി.
ഐക്യത്തിൻറെയും മതനിരപേക്ഷതയുടെയും നാടായി കേരളത്തെ നിലനിർത്താൻ ഈ ദിനം നമുക്ക് പ്രചോദനമാകട്ടെ. എല്ലാവർക്കും ഹൃദയപൂർവ്വം ബക്രീദാശംസകൾ നേരുകയാണെന്നും പിണറായി വിജയൻ കൂട്ടിച്ചേർത്തു.
Discussion about this post