ന്യൂഡൽഹി: കായിക പ്രേമികളുടെ ഇഷ്ടതാരമാണ് സാനിയ മിർസ. പാകിസ്താൻ ക്രിക്കറ്റർ ഷുഹൈബ് മാലിക്കിനെ വിവാഹം ചെയ്ത് വിവാദത്തിലായി എങ്കിലും ആരാധകരുടെ മനസിൽ സാനിയയോടുള്ള സ്നേഹത്തിന് യാതൊരു കുറവും സംഭവിച്ചിരുന്നില്ല. മാദ്ധ്യമങ്ങളിൽ വാർത്തയാകുന്നതിനുള്ള അവസരങ്ങളിൽ നിന്നും പരമാവധി വിട്ട് നിൽക്കുന്ന കായികതാരം കൂടിയാണ് സാനിയ. എന്നാൽ ഷുഹൈബുമായുള്ള വിവാഹ മോചനത്തെ തുടർന്ന് ദേശീയ- അന്തർദേശീയ മാദ്ധ്യമങ്ങളിൽ സാനിയയുടെ പേര് നിറഞ്ഞു. അടുത്തിടെ ഇന്ത്യൻ ക്രിക്കറ്റ് താരം മുഹമ്മദ് ഷമിയെ വിവാഹം ചെയ്തുവെന്ന തരത്തിലുള്ള ഗോസിപ്പുകൾക്ക് താരം പാത്രമാകുകയും ചെയ്തു. എന്നാൽ ഇപ്പോൾ തന്റെ കൈവശമുള്ള സമ്പത്തിന്റെ പേരിലാണ് സാനിയ മാദ്ധ്യമങ്ങളുടെ ശ്രദ്ധ പിടിച്ചുപറ്റിയിരിക്കുന്നത്.
നിലവിൽ 26 മില്യൺ ഡോളർ അഥവാ 216 കോടി രൂപയുടെ ആസ്തിയാണ് സാനിയ മിർസയ്ക്ക് ഉള്ളത്. മുകേഷ് അംബാനിയുടെ മരുമക്കളെക്കാളും സമ്പന്നയാണ് സാനിയ എന്നാണ് റിപ്പോർട്ട്. ആകാശ് അംബാനിയുടെ ഭാര്യ ശ്ലോക മേത്തയ്ക്ക് 120 കോടി രൂപയുടെ സ്വത്തുക്കൾ ആണ് ഉള്ളത്. അതേസമയം ആനന്ദ് അംബാനിയുടെ പ്രതിശ്രുധ വധു രാധിക മെർച്ചന്റിന് 10 കോടി രൂപയുടെ ആസ്തിമാത്രമാണ് ഉള്ളത്.
ഇന്ത്യയിൽ തന്നെ ഏറ്റവും കൂടുതൽ പ്രതിഫലം വാങ്ങുന്ന താരങ്ങളിൽ ഒരാളാണ് സാനിയ മിർസ. ബ്രാൻഡ് എൻഡോഴ്സ്മെന്റുകൾക്കായി താരം 25 കോടി രൂപയാണ് ഈടാക്കാറുള്ളത് എന്നാണ് വിവരം. വൻ തുകയാണ് താരത്തിന് ബാങ്ക് ബാലൻസ് ആയി ഉള്ളത്. ഇതിന് പുറമേ സാനിയയ്ക്ക് ആഢംബര വീടും വിലകൂടിയ നിരവധി കെട്ടിടങ്ങളും ഉണ്ട്. ആഢംബര വാഹനങ്ങളുടെ വലിയ ശേഖരം സാനിയയ്ക്ക് ഉണ്ട്. ബിഎംഡബ്ല്യൂ, റേഞ്ച് റോവർ ഇവോക്ക് എന്നീ വാഹനങ്ങൾ താരത്തിനുണ്ട്.
Discussion about this post