വാഷിംഗ്ടൺ: ഇന്ത്യയുമായുള്ള ബന്ധം കൂടുതൽ ശക്തമാക്കുമെന്ന് യുഎസ് സ്റ്റേറ്റ് ഡിപ്പാർട്ട്മെന്റ് ഡെപ്യൂട്ടി വക്താവ് വേദാന്ത് പട്ടേൽ . സാമ്പത്തിക, സുരക്ഷാ സഹകരണം എന്നീ മേഖലകളിൽ ഇന്ത്യയുമായുള്ള ബന്ധം വളർത്തിയെടുക്കും. എല്ലാ സുപ്രധാന മേഖലകളിലും ഇന്ത്യയുമായുള്ള സഹകരണം ശക്തിപ്പെടുത്താനാണ് യുഎസ് ശ്രമിക്കുന്നതെന്നും അദ്ദേഹം പറഞ്ഞു.
ഇറ്റലിയിൽ നടന്ന ജീ 7 ഉച്ചകോടിക്കിടെ പ്രസിഡന്റ് ജോ ബൈഡനും പ്രധാനമന്ത്രി നരേന്ദ്രമോദിയും തമ്മിൽ നടത്തിയ ചർച്ച ഇന്ത്യ-യുഎസ് ബന്ധത്തെ കുറിച്ചുള്ള ചോദ്യത്തിന് മറുപടിയാണെന്ന് വേദാന്ത് പട്ടേൽ കൂട്ടിച്ചേർത്തു. നിരവധി പ്രധാന മേഖലകളിൽ നല്ല അടുത്ത ബന്ധമുള്ള രാജ്യമാണ് ഇന്ത്യ. പ്രത്യേകിച്ചും നമ്മുടെ സാമ്പത്തികബന്ധങ്ങൾ ആഴത്തിൽ ആക്കുന്നതിനും സുരക്ഷാ സഹകരണം വർദ്ധിപ്പിക്കുന്നത്തിനും ഇത് കൂടുതൽ ബന്ധപ്പെട്ടിരിക്കുന്നു എന്നും അദ്ദേഹം പറഞ്ഞു.
കുറച്ചു മാസങ്ങൾക്കു മുൻപ് യുഎസ് ദേശീയ സുരക്ഷ ഉപദേഷ്ടാവ് ജെയ്ക് സള്ളിവൻ പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തിയിരുന്നു. ദ്വിദിന സന്ദർശനത്തിനായി ഇന്ത്യയിലെത്തിയപ്പോഴാണ് മോദിയുമായി കൂടിക്കാഴ്ച നടത്തിയത് .ഇന്ത്യയുമായുള്ള തന്ത്രപരമായ പങ്കാളിത്തം ശക്തിപ്പെടുത്തണമെന്ന് അന്ന് സള്ളിവൻ അഭിപ്രായപ്പെട്ടിരുന്നു. ബഹിരാകാശം അർദ്ധചാലകങ്ങൾ ആർട്ടിഫിഷ്യൽ എൻജിൻസ് ടെലികോം നിർണായ ധാതുക്കൾ തുടങ്ങിയ ഉഭയകക്ഷി സഹകരണത്തിന്റെ വിവിധ മേഖലകളിലെ പുരോഗതിയെ കുറിച്ച് പ്രധാനമന്ത്രിയും യു എസ് സുരക്ഷ ഉപദേഷ്ടാവും തമ്മിൽ ചർച്ച നടത്തിയിരുന്നു.
Discussion about this post