വയനാട്: ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി. കനത്ത മഴയുടെ പശ്ചാത്തലത്തിൽ ജില്ലാ കളക്ടർ ആണ് അവധി പ്രഖ്യാപിച്ചത്. പ്രൊഫഷണൽ കോളേജുകൾ ഉൾപ്പെടെ അവധി ആയിരിക്കുമെന്ന് ജില്ലാ കളക്ടർ അറിയിച്ചു.
ഫേസ്ബുക്കിലൂടെയായിരുന്നു കളക്ടർ അവധി പ്രഖ്യാപിച്ചത്. അംഗൺവാടികൾ, ട്യൂഷൻ സെന്ററുകൾ എന്നിവയ്ക്കും നാളെ അവധിയാണ്. അതേസമയം മുൻകൂട്ടി നിശ്ചയിച്ച പരീക്ഷകളും അഭിമുഖങ്ങളും നടക്കും. പിഎസ്സി പരീക്ഷകളും മാറ്റമില്ലാതെ നടക്കും. മോഡൽ റസിഡൻഷ്യൽ നവോദയ സ്കൂളുകൾക്ക് അവധി ബാധകമല്ലെന്നും ജില്ലാ കളക്ടർ അറിയിച്ചു.
അതേസമയം ജില്ലയിൽ ഈ ആഴ്ച മുഴുവനും വിദ്യാഭ്യാസ സ്ഥാപനങ്ങൾക്ക് അവധിയായിരുന്നു. കഴിഞ്ഞ ഒരാഴ്ചയായി ശക്തമായ മഴയാണ് ജില്ലയിൽ അനുഭവപ്പെടുന്നത്. ഇതേ തുടർന്നായിരുന്നു കുട്ടികളുടെ സുരക്ഷയെ കരുതി കളക്ടർ അവധി പ്രഖ്യാപിച്ചത്.
