ശ്രീനഗർ: ജമ്മു കശ്മീരിലെ അനന്ത്നഗറിൽ ഭീകരവാദികളുമായുള്ള ഏറ്റുമുട്ടലിൽ രണ്ട് സൈനികർക്ക് പരിക്ക്. പരിക്കേറ്റ സൈനികരെ ആശുപത്രിയിൽ പ്രവേശിപ്പിച്ചു. പ്രദേശത്ത് ഇപ്പോഴും ഏറ്റുമുട്ടൽ തുടരുകയാണ്.
അനന്ത്നഗർ മേഖലയിൽ ഭീകരരുടെ സാന്നിധ്യമുണ്ടെന്ന രഹസ്യാന്വേഷണത്തിന്റെ അടിസ്ഥാനത്തിലാണ് തെക്കൻ കശ്മീരിലെ കോക്കർനാഗ് വനമേഖലയിൽ തരച്ചിൽ നടത്തിയത്. ശനിയാഴ്ച്ച പുലർച്ചെ മുതൽ പ്രദേശത്ത് സുരക്ഷാ സേനയുടെയും പോലീസിന്റെയും സംയുക്ത ഓപ്പറേഷൻ നടന്നുകൊണ്ടിരിക്കുകയാണ്.
‘രഹസ്യ വിവരത്തിന്റെ അടിസ്ഥാനത്തിൽ സൈന്യവും ജമ്മു കശ്മീർ പോലീസും സിആർപിഎഫും ചേർന്നുള്ള സംയുക്ത ഓപ്പറേഷൻ അനന്ത്നഗറിലെ കോക്കർനാഗിൽ നടന്നുകൊണ്ടിരിക്കുകയാണ്. ഇതിനിടയിലാണ് ഭീകരരുമായി ഏറ്റുമുട്ടൽ നടന്നത്. രണ്ട് സൈനികർക്ക് പരിക്കേറ്റു. ഇവരെ ആശുപത്രയിൽ പ്രവേശിപ്പിച്ചിരിക്കുകയാണ്. പ്രദേശത്ത് ഇപ്പോഴും ഓപ്പറേഷൻ പുരോഗമിച്ചുകൊണ്ടിരിക്കുകയാണ്’- സൈന്യം പ്രസ്താവനയിൽ അറിയിച്ചു.
Discussion about this post