റാഞ്ചി : ജാർഖണ്ഡ് എടിഎസ് 14 സ്ഥലങ്ങളിൽ നടത്തിയ റെയ്ഡിൽ ഏഴ് ഭീകരരെ പിടികൂടി. ലോഹർദാഗയിലെ കെയ്റോ, ഹസാരിബാഗിലെ പെലാവൽ തുടങ്ങി നിരവധി ജില്ലകളിൽ എടിഎസ് റെയ്ഡ് നടത്തി. പിടികൂടിയ ഭീകരരിൽ നിന്നും ആയുധങ്ങളും വെടിക്കോപ്പുകളും കണ്ടെടുത്തിട്ടുള്ളതായും എടിഎസ് വ്യക്തമാക്കി.
ലോഹർദാഗയിൽ നിന്ന് പിടിയിലായ ഭീകരനിൽ നിന്ന് നിരവധി ആയുധങ്ങളാണ് കണ്ടെടുത്തിട്ടുള്ളത്. പിടിയിലായ ഭീകരരുടെ ചോദ്യം ചെയ്യൽ പുരോഗമിക്കുകയാണ്. ഏതാനും ദിവസങ്ങൾക്ക് മുമ്പ് ജാർഖണ്ഡിലെ പലാമു ജില്ലയിൽ രണ്ട് കമ്മ്യൂണിസ്റ്റ് ഭീകരരും അറസ്റ്റിലായിരുന്നു. ഇവരിൽ നിന്നും തോക്കുകളും പിസ്റ്റളുകളും അടക്കമുള്ള ആയുധങ്ങൾ കണ്ടെത്തിയിരുന്നു.
ചൊവ്വാഴ്ച വൈകീട്ട് ഹുസൈനാബാദ് മേഖലയിലെ പാഹി ഗ്രാമത്തിൽ നിന്നാണ് കമ്മ്യൂണിസ്റ്റ് ഭീകരർ പിടിയിലായിരുന്നത്. പ്രഷിദ്ധ പർഹയ്യ (27), ദൗലത് യാദവ് (30) എന്നീ കമ്മ്യൂണിസ്റ്റ് ഭീകരർ ആണ് അറസ്റ്റിലായത്. നിലവിൽ എടിഎസ് അറസ്റ്റ് ചെയ്തിട്ടുള്ള ഭീകരരെ കുറിച്ചുള്ള കൂടുതൽ വിശദാംശങ്ങൾ വിശദമായ ചോദ്യം ചെയ്യലിനു ശേഷം പുറത്തുവിടുമെന്ന് എടിഎസ് വൃത്തങ്ങൾ അറിയിച്ചു.
Discussion about this post